G7 taldeak % 15eko gutxieneko bazkun-zerga globala ezartzeko akordioa itxi du
Munduko ekonomia garatuenek (G7) akordio "historikoa" itxi dute Londresen, zerga sistema globala erreformatzeko, Rishi Sunak Erresuma Batuko Ekonomia ministroak iragarri duenez.
Horrela, erraldoi teknologiko multinazionalek zerga ekarpena egin beharko dute, adierazi Sunakek Twitter sare sozialean.
G7ko ministroek (AEB, Erresuma Batua, Alemania, Frantzia, Kanada, Italia eta Japonia) % 15eko gutxieneko sozietate-zerga ezartzeko konpromisoa hartu dute.
Ituna G20aren (herrialde garatu eta azaleratu berriak) eta banku zentraletako gobernadoreen bileran aztertuko dute uztailean, Venezian.
"Gaur pozez zoratzen iragarri dezaket, urteetako eztabaidaren ostean, G7ko Finantza ministroek akordio historikoa adostu dugu, zerga sistema globala erreformatzeko", esan du Sunakek bilera amaitu ondoren. Lancaster House jauregitxoan bildu dira, Erresuma Batuko hiriburuaren erdialdean.
Ituna "aro digital globalera" egokitzeko pentsatu dute eta, "erabakigarria dena, bidezkoa dela ziurtatu, konpainiek (erraldoi teknologikoak) zerga egokia toki zuzenean ordaintzeko", erantsi du Ekonomia ministroak.
"Hemen adostutakoaren arabera, gutxienez % 15 (bazkun-zerga)", errepikatu du ministroak, portzentaje handiago baten alde ez egiteko erabakia defendatuz.
"Gutxienez hamar urte eraman ditu eztabaidak. Eta orain, gaur lehen aldiz, benetako oinarrien inguruko akordioa itxi dugu, eta aurrerapauso handia da", gaineratu du Sunakek. "Bidezko" sistema bat dela uste du Erresuma Batuko ministroak.
Ekonomia-Lankidetza eta Garapenerako Erakundeak uste du "desberdintasunekin eta desitxuratzeekin" amaitzeko modu bakarra dela.
Bestalde, "enpresei ziurtasun handiagoa" emango diela ziurtatu du Facebookek. Era berean, sare sozialak herrialde ezberdinetan "zerga gehiago ordaindu" beharko dituela onartu du.
Ursula Von der Leyen Europako Batzordeko presidenteak adierazi duenez, akordioa "zuzentasunerantz pauso handia da".
Janet Yellen AEBeko Altxor idazkariak "aurrekaririk gabeko" akordioa dela esan du; izan ere, gutxieneko zerga bat ezartzeko "bultzada ikaragarria" da.
Azkenik, Pedro Sanchez Espainiako gobernuburuaren ahotan, "munduko konpainia erraldoiek ekarpen handiagoa egitea ahalbidetuko du".
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).