Iraila, historiako hilerik garestiena, argindarraren prezioak zortzi marka hautsi baititu
Argindarraren prezioak markak hautsi ditu handizkako merkatuan, hilabete honetan. Horrela, iraila historiako hilerik garestiena bilakatu da, argindarraren salneurriak 8 errekor hautsi baititu; azkena asteazken honetan: 189,9 euro megawatt orduko.
Alberto Garzon Kontsumo ministroak onartu duenez, elektrizitatearen fakturan igoera etengabeak eragiten ari den merkatuko "tentsioa datorren urteko udaberrira arte luzatuko da erraz, edo gehiago". Eragin hori murrizteko neurri fiskalak "egokiak" direla erantsi du.
Diputatuen Kongresuko Osasun eta Kontsumo Batzordean agerraldia egin du ministroak. Argindarraren igoerak "faktore geopolitikoen" eta "merkatu marjinal" baten ondorio direla uste du Garzonek.
Energiarekin lotutako lehengai (gasa, petrolioa eta ikatza) guztien salneurria gora egiten ari da mundu osoan. Era berean, CO2 eskubideak garestitzen ari dira.
Iragan astean argindarraren prezioak lehen aldiz atseden bat eman zuen handizkako merkatuan, irailean markak bata bestearen atzetik hautsi ondoren. Hala ere, aste honetan joera berriro aldatu da; izan ere, iragan astearekin alderatuta, salneurriak % 15 egin du gora. Duela urtebeteko salneurriarekin konparatuta (49,15 euro), % 286ko igoera izan du.
Testuinguru honetan, Espainian elektrizitatearen prezioak aldez aurretik salneurri historikoak harrapatu zituen uztailean zein abuztuan, baina irailak biak gainditu ditu, 167,28 euroko batez bestekoarekin urteko bederatzigarren hilean.
Horrela, handizkako merkatuan, irailean argindarraren prezioa ia laukoiztu da, 2020ko hilabete berdinarekin alderatuta. Orduan batez bestekoa 42 eurokoa izan zen.
Era berean, argindarraren batez besteko salneurriak gora egin du Europan, eta kontinenteko merkatu nagusietan goia jo du, Erresuma Batuan batez ere. 222,02 euro megawatt orduko ordaindu dute bertan, irailean, Espainian baino ia 66 euro gehiago.
Berriztagarriak ekoiztearen kostu txikiagoak kontsumitzaileei eragiteko edo gas naturalaren erosketa zentralizatzeko plataforma bat sortzea eskatu dio Espainiak Bruselari, baina oraingoz arrakastarik gabe.
Bitartean, energiaren prezioak turismoa, elikadura eta ostalaritza bezalako sektoreei eragin diezaiekeela ohartarazi du OCU kontsumitzaileen elkarteak, oraindik pandemiaren ondorioak atzean uzten ari direnean.
Albiste gehiago ekonomia
CC.OO.k Unai Sordo berrautatu du idazkari nagusi gisa, botoen %96,1arekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzea eskatu du Sortuk, eta lanaldi-murrizketaren aldeko mobilizazioak iragarri ditu. CC.OO.ren XIII Kongresu Konfederalean parte hartu duten afiliatuen % 96,1en botoei esker, hirugarren eta azken agintaldiari ekin dio euskal sindikalistak, estatutuek agintzen duten bezala. Kongresuaren amaierako hitzaldian, "demokrazian sakontzeko" eta "ustelkeriaren gaitzarekin amaitzeko" deia egin du Sordok. Gainera, lanaldi murrizketaren aldeko "mobilizazioak" iragarri ditu. Astelehenean bertan UGTrekin harremanetan jarriko dira, talde politikoek lanaldia murrizteko araudia onar dezaten presioa egiteko.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".