Europako Parlamentuak gasa batera erostea eskatu du, argindarraren prezioaren garestitzea gelditzeko
Argindarraren prezioaren igoera gelditzeko erantzun bateratua ematea eskatu dute Europako Parlamentuko talde nagusiek, eta, bide horretan, ondoko proposamenak egin dituzte: gasa Europar Batasuneko herrialde guztien artean erostea, gasa gordetzeko erreserba estrategiko bat sortzea eta argindarraren merkatuan izan daitezkeen balizko irregulartasunak ikertzea.
Europako Alderdi Popularrak adierazi du "neurri zehatzak" hartu behar direla Europa mailan, gasaren inportazioak eta, ondorioz, beste herrialde batzuekiko menpekotasuna murrizteko.
Ildo horretan, gasa Europar Batasuneko herrialde guztien artean erostea edo erreserba estrategiko bat sortzea proposatu du. Halaber, argindarraren merkatuan eragile pribatuek nahiz publikoek "manipulaziorik" egin ote duten ikertu beharra dagoela azpimarratu du.
Sozialistak eta Demokratak taldeak Europar Batasunak herrialde guztien izenean negoziatzea eta gasa hornitzeko plataforma bat sortzea proposatu du. Gainera, merkataritza sisteman espekulazioa gelditzeko neurriak aldarrikatu ditu, eta argindarraren merkatuaren araudia aztertzea babestu du.
Europa Berritu talde liberalak bat egin du gas biltegi bat sortzeko eta gasa batera erosteko ekimenarekin.
Berdeek ohartarazi dute justizia soziala bermatu beharra dagoela trantsizio ekologikoa arrakastatsua izateko. "Europar Batasunak ezin du onartu esfortzu handiena ahulenek egin behar izatea", erantsi dute. Hala, energia berriztagarrien aldeko apustua azkartzeko eskatu dute.
Azkenik, Ezkerra taldeak salatu du energia espekulatzeko eta irabaziak lortzeko gaia bilakatu dela, "pertsona guztien ongizaterako izan beharrean". Hortaz, argindarraren prezioak mugatzea proposatu du.
Bruselak urte bukaeran aztertuko du gasaren merkatua erreformatzeko aukera.
Zure interesekoa izan daiteke
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzea elizan. Bihar, itxialdia bukatuta, manifestazioa egingo dute Arabako hiriburuan, Lanbide arteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.
Europak atzera egin du 2035ean errekuntza ibilgailuen salmenta debekatzeko asmoan
Auto elektrikoen eskariaren moteltzeak, sektorearen presioak eta Txinaren lehiak eraman dute Europako Batzordea erabakia hartzera: errekuntza-autoen ekoizpen "mugatua" baimenduko du 2035etik aurrera.
Bat eta Barik txartelekin ordaindu daiteke gaurtik Lurraldebusen
Abenduaren 23tik aurrera, Irungo eta Lasarteko hiri-autobusetan ere ordaindu ahal izango da Bat eta Barik txartelekin, eta Gipuzkoako gainerako herrietan, berriz, ordaintzeko makinak egokitu ahala erabili ahal izango dira.
Eusko Jaurlaritza: "Angularen egoerari buruzko azken txostenek erabaki hau hartzera behartzen gaituzte"
Leandro Azkuek, Eusko Jaurlaritzako Arrantza, Portu eta Itsasertzeko sailburuordeak, kudeaketa-plana eguneratzeko beharra azpimarratu du, "oraingo planak ez dituelako espero ziren emaitzak eman".
Angulazaleak: "Arrantzak soilik ez du angula hiltzen"
Unai Eizagirre Euskadiko Angulero Elkartearen presidenteak adierazi du angularen arrantzaren atzean lanbide bat dagoela, "gorde beharrekoa", eta dio debekuak ez duela "espeziea salbatuko".
Unai Rementeria izango da BBK Fundazioaren presidente berria
Bizkaiko ahaldun nagusi ohiaren hautagaitza gehiengo osoz onartu du gaur izendapen batzordeak, eta bihar Fundazioaren batzordeak berretsi beharko du.
Euskadiko Anguleroen Elkarteak epaitegietara joko du arrantzan irten ahal izateko
ORAINek jakin ahal izan duenez, anguleroek ez dute beste irtenbiderik ikusi. EAEko anguleroak kexu daude Eusko Jaurlaritzak aurtengo angularen arrantza-kanpaina bertan behera utzi duelako, Espainiar eta Frantziar estatuetako beste anguleroek arrantza baimenduta izango duten bitartean. Eusko Jaurlaritzak erabakia errespetatzen duela adierazi du.
Kanpoan lan egiten duten Euskadiko eta Nafarroako talentu gazteen % 85ek baino gehiagok itzuli nahi dute
Ikerketa baten arabera, sorterritik kanpo lan egiten dute 25 eta 40 urte bitarteko EAEko 30.000 gaztek eta Nafarroako 12.000k, eta gehienek politika aktiboak eskatzen dituzte haien etxera itzultzeko. Gazteen diaspora horretan kualifikazio handiko profilak daude, ingeniariak, enpresa-kudeatzeileak eta STEM adarreko langileak, besteak beste. Gainera, egonaldi luzea egiten duten atzerrian, % 60k sei urte baino gehiago ematen dituzte sorterritik kanpo.
Osakidetzak 5.425 lanpostuko lan-eskaintza publikoa deituko du 2026an
Berrikuntza gisa, desgaitasun intelektuala duten pertsonentzako 25 lanpostu eskainiko dira, zeladore eta zerbitzu langile kategorietarako. Horrez gain, betetzen zailak diren postuak eskuratzeko bigarren Lan Eskaintza Publikoa (LEP) deituko du Osakidetzak datorren urtean, oraindik hutsik dauden postu guztiak betetzeko asmoz.
Talgok Deutsche Bahn operadorearekin adostu du 230 modeloaren hornidura-kontratua 79 trenetik 60ra murriztea
Akordio horrek fabrikazio irismena 79 trenetik 60ra murriztea jasotzen du, baina eskaera 100 trenera arte luzatzea ahalbidetuko lukeen esparru kontratuari eutsiz, eta, aldi berean, epe luzerako errebisio eta mantentze lan kontratu berri bat gehitzen du, baita proiektuaren egutegia doitzea ere, besteak beste.