Zubiaurre: "Enpresek arazoak izango dituzte lana sortzeko eta mantentzeko gutxieneko soldata igotzen bada"
Eduardo Zubiaurre Confebaskeko presidenteak Radio Euskadin izan duenez, Espainiako Gobernuak lanbide arteko gutxieneko soldata igotzea erabakitzen badu, "enpresa jarduera askok arazoak izango dituzte enplegua sortzeko eta oraingoa mantentzeko", lehengaien eta "mota guztietako kostuen" igoeraz gain, "soldata kostua" ere "asko" igoko da denbora gutxian.
EAEko enpresarien liderrak onartu duenez, gutxieneko soldataren igoerak "irakurketa soziala" du, "tamalez gutxi kobratzen duten kolektiboei eragiten dielako" (40.000 bat langile Euskadin), eta "errealitate hori hor dago", baina enpresa mundutik uste dute "gehiago ordaintzeko mugak dituzten aktibitateei" eragingo diela batez ere, etxeko zerbitzuak eta ostalaritza, kasu. "Seguruenez ez da momenturik honena igoera handien bidetik jarraitzeko", esan du.
Zubiaurre pozik agertu da lan-erreformak aurrera egiteagatik, "hiru aldeek —Gobernua, patronala eta sindikatua— sinatu, egin eta lortu dutelako demokrazian lehen aldiz" eta, gainera, Rajoyren erreformaren "malgutasun elementuak ez dituelako hainbeste aldatu". EAEko patronalarentzat, akordioak "egonkortasuna" ekarriko du eta "etorkizunean lehiatzen jarraitzen ahalbidetuko digu".
Kongresuko bozketa "lasaiagoa eta ustekabe gutxiagokoa izatea" espero zuen Confebaskeko presidenteak. Bere ustez, EAJk eskatzen zuen hitzarmen autonomikoen lehentasuna "dagoeneko bermatuta" dago. Azaldu duenez, 2017an EAEko patronalak eta sindikatuek sinatutako akordioan "oso argi" ezartzen da hitzarmen autonomiko guztien lehentasuna, "oso gutxi" diren arren, lan-negoziazioaren egitura batez ere sektorekoa eta lurraldekoa da eta. Gai hori "ez da inoiz kezkarako edo eztabaidarako gaia" lan-esparruan. Hala ere, begi onez ikusiko luke lege bihurtzea, EAJk eskatzen duen bezala, baina "ez du garrantzirik ezta eragin praktikorik ere".
Zubiaurrek ez du zalantzarik CC OO Elkarrizketa Sozialaren Mahaiaren hurrengo bileran egongo dela, sindikatuak berak esan duenez, eta onartu du akordioek "zilegitasun handiagoa" izango luketela ELAk eta LABek parte hartuko balute, baina "ez dugu ukatu behar hiru aldeak gaudela, horietako baten gehiengoa egon ez arren".
Azkenik, enpresarien buruak baieztatu egin ditu 2022rako enplegua berreskuratzeko perspektibak, baina ikusteko daude maila eta erritmoa. Nabarmendu duenez, lanaren berreskuratzea susperraldi ekonomikoa baino "azkarragoa" izaten ari da, behin-behineko lan-erregulazio espedienteei eta enplegu publikoa sustatzeari esker.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".