EAEko erakundeek % 2ko deflaktazioa adostu dute PFEZn 2023rako
Euskal Autonomia Erkidegoko erakundeek PFEZaren % 2ko deflaktazioa ezartzea adostu dute 2023rako. Neurri hori zerga horretan aurten aplikatutako % 5,5eko deflaktazioari gehituko zaio, inflazioak zergadunengan duen eragina gutxitzeko. Gainera, erabaki da 2023ra arte luzatzea 200 euroko kenkaria 30.000 eurotik beherako zerga-oinarrietarako.
Neurria ostiral honetan adostu dute Eusko Jaurlaritzak, foru aldundiek eta Eudel Euskadiko Udalen Elkarteak, Herri-Dirubideen Euskal Kontseiluan.
Iñigo Urkullu lehendakariak neurri hori aurreratu zuen joan den irailaren 22an egindako Eusko Legebiltzarreko Politika Orokorreko osoko bilkuran.
Neurria Bizkaia, Araba eta Gipuzkoako Batzar Nagusietan onartu beharko dute. Deflaktazioa da benetako soldata eta erosteko ahalmena egungo prezioen igoeraren agertokira egokitzea, herritarrek are zerga gehiago ordain ez dezaten.
% 2ko deflaktazioa PFEZaren tarifari eta kenkariei aplikatuko zaie. Gainera, Herri-Dirubideen Euskal Kontseiluak 2023ra arte luzatu du 200 euroko kenkaria 30.000 euro baino gutxiagoko zerga-oinarrietarako, eta murrizketa mailakatua 30.000 eta 35.000 euro bitarteko zerga-oinarrietarako.
PSE-EEk uste du ez dela "nahikoa"
PSE-EEk "argi eta garbi" uste du PFEZaren deflaktazio berria ez dela "nahikoa", eta klase ertainari eta langileei laguntzeko neurri gehiago eskatu ditu.
PSE-EEren ustez, "beharrezkoa da Espainiako Gobernua hartzen ari den ezohiko neurrien sorta osatzera datozen beste erabaki batzuk aztertzea, bai eremu fiskalean, bai klase ertain eta langileen babes zabalagoan, atzo bertan Pedro Sanchez Gobernuko presidenteak iragarritakoak bezala".
Pedro Azpiazu Ekonomia eta Ogasun sailburuak PSE-EEri, Eusko Jaurlaritzako EAJren bazkideari, gogorarazi dio deflaktazioa ez dela neurri "bakarra" eta askoz gehiago hartu direla krisiarekin "okerren" pasatzen ari direnei laguntzeko.
Sailburuak nabarmendu du deflaktazioa ez dela "neurri bakarra", baizik eta "neurri pila bat" hartzen ari direla krisiaren ondorioz "okerrago pasatzen ari den jendearen beharrei aurre egiteko". "Beste neurri bat da", errepikatu du.
Zure interesekoa izan daiteke
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.