EBk ez du jada Errusiaren diesela inportatzen
Ikatzaren eta petrolioaren ostean, diesela iritsi da. Hidrokarburo hori eta petrolioaren beste eratorri batzuk Errusiatik inportatzeko debekua igande honetan sartu da indarrean, eta Ukrainaren inbasioagatik Kremlin ekonomikoki itotzeko hartutako gainerako neurriei batu zaie.
"Aurreratzen dugu hornitzaile alternatiboak bermatzeko prest gaudela. Antzeko prozesua egin behar izan genuen petrolio gordinarekin", adierazi du Tim McPhie Europako Batzordeko Energia bozeramaileak.
Debekatutako eratorrien artean, dieselarena izango da erronka handiena, EBko autoen erdiak eta zama garraioko ibilgailu eta makinaria gehienak erabiltzen duena baita.
Gerraren aurretik, EBren inportazioen % 40 inguru Errusiatik iristen zen, baina konfiantza dute trantsizio epean egindako lanak fruituak emango dituela eta hornikuntza bermatuta egongo dela, bide alternatiboetatik.
Ukrainaren inbasioa hasi arte, EBk Errusiarekiko energia mendekotasun handia zuen, eta Putinek dirutza eskuratu du krisi energetikoaren urtean.
Moskuk 140.000 milioi euro jaso ditu ikatzaren, gasaren eta petrolioaren truke Europar Batasunetik 2022ko otsailaren 24an inbasioa hasi zenetik, eta urtebete lehenago 99.000 milioi euro ziren.
Hala eta guztiz ere, joera aldatu egin da azken hilabeteetan, eta inportazioek behera egin zuten urteko azken hiruhilekoan.
"Gure neurriak Errusiako ekonomiaren erdigunea jotzen ari dira", adierazi zuen ostegunean Ursula Von der Leyen Europako Batzordearen presidenteak, Kieven egindako bisitan, eta zehaztu zuen egunero 160 milioi euro gutxiago jasotzen dituela Moskuk.
Mendebaldeko herrialdeek beste neurri batzuk ere jarri dituzte martxan aldi berean, Errusiaren energia sektoreari nazioarteko merkatuan kalte egiteko. Besteak beste, kupel bakoitzeko gehienezko prezioa 60 dolarretan jarri dute Errusiari erositako petrolioa beste herrialde batzuetara eramanez gero.
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.