Osasun sistema pribatizatzeko estatu mailako egitasmoa dagoela salatu du LABek
LAB sindikatuak salatu duenez, "mutualitate patronalen bidez osasun sistema pribatizatzeko estatu mailako egitasmoa dago mahai gainean". Espainiako Gizarte Segurantzaren eta AMAT mutualitateen patronal elkartearen artean adostutako zirriborro bat dagoela jakinarazi du sindikatu abertzaleak, mutualitateek gaixotasun profesionalen kudeaketa ez ezik, sistemarentzako produktiboak diren pertsonen gaixotasun arruntak ere euren gain hartzea aurreikusten duena.
Igor Arroyo sindikatuko koordinatzaile nagusiak atzo prentsaurrekoan azaldu zuenez, "osasun sistema publikoaren itxaron-zerrendak arintzeko lankidetza hitzarmena izatearen aitzakiarekin, mutuen patronala biztanleria aktiboaren osasun zerbitzuaz jabetu nahi da, Osasun Sistema Publikoa hustuz".
Planaren berri eman omen zaio jada autonomia erkidego bakoitzari, dagokion osasun sailaren eta mutualitateen artean gauza dezaten. Hori dela eta, "pribatizatzeko ahalegin horri ezezko borobila emateko" eskatu die Eusko Jaurlaritzari eta Nafarroako Gobernuari.
Arroyok defendatu zuen osasun sistema publikoaren itxaron-zerrendak arintzeko ez dela pribatizaziora jo behar. Horren ordez, "sektore publikoan inbertitu" behar dela.
Jaurlaritzari eta Nafarroako Gobernuari eskatu zien "konpromiso irmoa har dezatela" langile horien gaixotasun arrunten arreta ez dela mutualitateen esku utziko, eta, aitzitik, "kontrako norabidea" susta dezatela eskatu zien: enpresek gaixotasun profesionalen arreta Gizarte Segurantzarekin hitzar dezatela eta, "ondorioz, kudeaketa osasun-sistema publikotik egin dadila". Arroyok nabarmendu zuenez, "langileen osasunerako bermerik onena sistema publiko indartsua da".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.