Jaurlaritzak formalki eskatu du negoziazioak abiatzea Etxebizitza Legearen inguruan
Olatz Garamendi Gobernantza Publiko eta Autogobernuko sailburuak idatzia igorri dio Espainiako Gobernuari, Etxebizitza Legearen inguruan "negoziazioak hastea" formalki eskatzeko.
Atzo, Eusko Jaurlaritzak iragarri zuen helegitea aurkeztuko duela lege horren aurka, eta orain sei hilabeteko epea dute negoziatzeko. PSEren sailburuak helegitearen kontra agertu dira.
Sailburuak azaldu duenez, epe bat ireki da, eta Eusko Jaurlaritzak elkarrizketarako bide guztiak agortuko ditu helegitea jarri aurretik, "beti bezala", "akordioa posible" dela uste baitu. "Nolanahi ere, euskal gizarteak etxebizitzaren arloan erabakiak hartzeko duen gaitasunari uko egitea nahi al dugu, Etxebizitzaren Legea gauzatuta?", galdetu du.
Arauaren eduki zehatzetan ez dela sartuko adierazi ondoren, "ez baita hori eztabaida", sailburuak honako hau defendatu du: "euskal gizarteak nahi du, bere etxebizitza-politikak garatzeko aukera izatea, gure errealitatea kontuan hartuta, inposaketarik gabe, orain eta etorkizunean" .
EAJren EBBko presidente Andoni Ortuzarrek uste du "lehia juridikoa dela, ez politikoa", eta ez du inolako alderik ikusten Eusko Jaurlaritzako bi alderdien artean.
Unai Urruzunok (EH Bildu), ostera, salatu du Eusko Jaurlaritzak ez duela garatu nahi izan 2015ean onartutako EAEko legea, Estatuko arau bat falta zela argudiatuta, eta orain horren aplikazioa geldiarazi nahi duela, helegitea aurkeztuta. Koalizioaren ustez, etxebizitzaren legeari buruzko eztabaida ez da juridikoa, ideologikoa baizik.
Laura Garrido PPko legebiltzarkideak esan duenez, "ez da ulertzen gobernukide batek Madrilen onartutako lege baten aurka helegitea aurkeztea". Euskadi Irratiari eskainitako elkarrizketan, Estatuko Etxebizitza Legea izan du hizpide. Azaldu duenez, Eusko Jaurlaritzak edukien eta eskumenen araberako helegite bat iragarri izana ulertzen du, baina bitxia iruditzen zaio, EAJ PSOEren bazkide izanik.
Beste alde batetik, Donostiako Udalbatzak, EH Bildu, Elkarrekin, PSE-EE eta EAJren botoekin eta PPren aurkako bozekin, kontrol mozio bat onartu du gaur, koalizio soberanistaren ekimenez, etxebizitza eremu tentsionatuak izendatzeko izapideak abiatzeko.
Horrez gain, Kaleratzeak Stop Euskadi plataformak iragarri du udaletan mozioak aurkezteko kanpaina indartu egingo duela, Eusko Jaurlaritzari eskatzeko "tentsiodun eremuak" izenda ditzala, "alokairu neurrigabeak mugatzeko" eta "kontratuak amaitzen zaizkien maizterrek hiru urtera arteko luzapena eskatu ahal izateko".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.