Imazek esan du Repsolek "beste aukera batzuk" dituela Espainian inbertitzeko egonkortasuna bermatzen ez bada
Josu Jon Imaz Repsoleko kontseilari delegatuak ohartarazi duenez, Espainiako Estatuan inbertitzeko edozein erabaki hartu aurretik, baldintzak "egonkorrak eta proiektuen errentagarritasuna bermatzeko bezain erakargarriak" diren aztertuko du konpainiak.
Urteko hirugarren hiruhilekoari dagozkion emaitzak aurkezteko ekitaldian egin ditu adierazpen horiek. Bertan jakitera eman dute enpresak 2.785 milioi euro irabazi dituela urteko lehen bederatzi hilabeteetan, 2022ko aldi berean baino % 14 gutxiago. Ildo horretan, PSOEk eta Sumarrek adostutakoaren aurka agertu da, balizko koalizio gobernuak enpresa energetikoei eta bankuei zerga berezia ezartzea aurreikusi baitu, eta hori, Imazen ustez, "legez kanpokoa da, Konstituzioaren aurkakoa da eta diskriminatzailea da".
Gogora ekarri du gaur egungo ezohiko zerga, 1.000 milioi eurotik gorako diru-sarrerak dituzten enpresen fakturazioaren % 1,2 zergapetzen duena, 450 milioi euro inguru kostatu zaiola aurten Repsoli.
Imazek aurreratu du Repsolek inbertsio handiak egin nahi dituela Espainian dituen industria-instalazioak eraldatzeko, baina erregulazio- eta zerga-esparruan egonkortasunik ez izateak inbertsio horiek baldintzatu ditzakeela adierazi du.
Horren harian, baldintzak aldekoak ez badira, enpresak Portugalen edo beste toki batzuetan inbertitzea erabaki dezakeela adierazi du Imazek.
Gainera, Imazek azpimarratu du konpainia zerga horren aurka borrokatuko dela, bai Espainiako Justizian, bai Europako erakundeetan; izan ere, "alde handi samarra" dago Espainian ezarritako zerga horren eta Europako Kontseiluak zerga gisa definitu zuenaren artean, merkatuaren baldintza bereziei erantzuteko aldi baterakoa baita eta mozkinetan oinarritzen baita, eta ez fakturazioan, Espainian bezala.
Zure interesekoa izan daiteke
Bengoetxeak errespetu instituzionala eskatu du EHUrentzat eta premiazko bilera eskatu dio lehendakariari
Hala erantzun dio Euskal Herriko Unibertsitateko errektoreak Perez Iglesias sailburuari, ukatu egin baitu honek Eusko Legebiltzarrean unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunaren Estatutu berria: gastuen konpentsazioa, praktiken muga eta enpresei kontrol gehiago
Espainiako Gobernuak Bekadunaren Estatutuaren aurreproiektua onartu du, prestakuntza praktikoan dauden pertsonen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian, langabezia-tasa % 0,60 igo da EAEn, eta % 2,04, Nafarroan, iraileko datuekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazio-kopurua % 1,32 hazi da EAEn, eta % 0,89, Nafarroan.
Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.