Greba bertan behera geratu da itunpeko ikastetxeetan, sindikatuek eta patronalak akordioa itxi ostean
ELA, LAB, Steilas, CCOO eta UGT sindikatuak Kristau Eskola eta AICE-IZEA (Irakaskuntza Zentroen Elkarte Autonomoa) patronalekin bildu dira astelehenean, eta akordioa itxi dute. Ondorioz, otsailaren 6, 7 eta 8rako deitutako lanuzteak bertan behera geratu dira, baita 19 eta 20rako deitutakoak ere. ELAk, EAEko Gizarte Ekimeneko ikastetxeetan gehiengoa duen sindikatuak (% 58), asanblea egin du gaur eta sektoreko langileek berretsi egin dute bart lortuko akordioa.
Akordioari esker, % 16ko soldata igoera izango dute, KPI tik gorako igoera, finantziazio publikoa edo homologazioa muga izan beharrik gabe.
ELAk bidalitako oharraren arabera, hitzarmenak 2021-2024ko indarraldia du, jardunaldiak murriztuko dira, gutxienez ordubete irakasle eta etapa guztietan, eta beste ordu osagarri bat gutxienez izango dute irakasleek. Gainera, esaterako, Haur Hezkuntzan urtean 20 orduko lanaldi murrizketa izanen dute irakasleek, eta laguntzaileek 38 ordukoa.
Hezkuntza Laguntzaile Espezialisten kasuan, 20 orduko murrizketez gain, ordu osagarri gehiago izango dituzte: hiru gehiago lan jardun osoan daudenek, bi lan jardun erdiarekin.
Kristau Eskolaren hitzetan, "greba bertan behera uztea negoziazioetan beti eskatu izan dugun aldarrikapena izan da, kontuan hartuta labuzteek ikaslegoarengan eta kontziliazioan duten eragina". Ildo horretatik, esan duenez, "proposamenen neurriak eta zailtasunak beharrezko egiten dute negoziazioek bake giro batean egitea".
LABek, bere aldetik, erabaki du aurreakordioa ez sinatzea, eta bere oinarriekin baloratuko du erabaki definitiboa hartzeko, argudiatuta ez dela ekiparazioa lortuko. LABek gutxiengoa dauka sektorean.
Steilas ase agertu da akordioarekin "oinarrizko hiru gaiei erantzuten dielako". Andeka de Miguel Zabala ordezkariak esan du "pozik" dagoela, grebaren bukaera ekarriko duen ituna egin ahal izan dutelako.
"Denborarekin, sinatutako guztia eta hitzarmen berrirako adostutakoa txertatzen joango gara", erantsi du.
Euskadiko Gizarte Ekimeneko ikastetxeek 9.000 langile dituzte 200 ikastetxetan, eta 120.000 ikasleri ematen diete zerbitzua.
Ohar bateratu batean, EAEko itunpeko sarearen gizarte ekimeneko ikastetxeetako guraso elkarteek (Fapae, Feguiapa, Fapacne eta Bidelagun) greba egunak "berehala" bertan behera uzteko deia egin diete sindikatuei.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.