Siemens Gamesak "berregituraketa plana" iragarri du, kaleratzeak barne, eta CEO berria izendatu
Siemens Energy multinazionalak iragarri duenez, Siemens Gamesa filialean "berregituraketa neurri garrantzitsuak" hartuko ditu eta "plantilla doituko" du, azken urteotako galera milioidunei aurre egiteko (799 milioi azken seihilekoan) eta 2026tik aurrera errentagarritasuna berreskuratzeko.
Horrez gain, Jochen Eickholt egungo zuzendari delegatua edo CEO-a (chief executive officer, ingelesez) kargutik kenduko duela jakinarazi du, eta horren ordez, Vinod Philip jarriko duela, abuztutik aurrera.
Urte fiskalaren bigarren seihilekoan emaitzak jakinarazteko oharrean, Siemens Energyk ez du zehaztu kaleratzeen zenbatekoa, baina aurreikusi du langile kopurua "gutxi gorabehera egonkor" mantenduko dela lekualdatzeen bidez. Izan ere, itsas haize-negozioak hazten jarraituko du, eta bertara bideratuko omen dituzte beste negozio unitateetan behar ez diren beharginak.
"Jochen Eickholtek eta Vinod Philipek neurri zehatzak adostuko dituzte datozen asteetan, eta sindikatuekin negoziatu datozen hilabeteetan", argitu dute oharrean.
Konpainia alemaniarrak hiru lantegi ditu EAEn (Zamudio, Asteasu eta Mungia) —1.011 langile—, eta beste bi, Nafarroan (Sarriguren eta Arazuri) —1.823 langile—. Hego Euskal Herriko behargin gehienak onshore negozioan ari dira, krisiak jotakoan, alegia.
Alemaniako taldeak zehaztu du Gamesak bere bi negozio unitateei eutsiko diela —onshore edo lurreko haize-negozioa eta offshore edo itsasoko haize-negozioa—, lurreko dibisioan izandako arazo larriak gorabehera. Gogora ekarri behar da lurreko plataformen (X.4 eta X.5 modeloak) turbinetan matxura ugari izan zituztela, eta hainbat eskaera bertan behera utzi behar izan zituzten eta kalte-ordainak pagatu atzerapenengatik.
799 milioi euroko galerak
Energia eolikoaren fabrikatzaileak 799 milioi euro galdu ditu urte fiskalaren lehen seihilekoan —2023ko urritik 2024ko martxora bitartekoa—, aurreko ekitaldian baino % 34 gutxiago (1.209 milioi euroko galerak izan ziren orduan).
Talde alemaniarraren arabera, hainbat faktorek eragin dute emaitzetan: turbinen arazoek, produkzio kosteek eta offshore unitatea abiatzeko aurreko ekitaldian izandako gorabeherak.
Iaz lurreko airesorgailuen turbinetan izandako arazoek "zartako larria" eragin zuten Siemens Gamesan (4.588 milioi euro galdu zituen 2023an), baita Siemens Energy jabean ere. Horren harira, Alemaniako Gobernuak dirulaguntza milioidunak eman zizkion, bermetan, proiektu handiak finantzatu ahal izateko.
Dena dela, 2024an zehar Gamesaren emaitzak hobeak izatea espero du Siemens Energuk, batez ere offshore negozioari esker.
Gamesaren eragin negatiboa gorabehera, multinazional alemaniarrak 1.618 milioi euro irabazi ditu lehen seihilekoan (aurreko epe berean 677 milioi galdu zituen).
CCOO "oso kezkatuta" azaldu da; Jaurlaritzak ez du adierazpenik egin nahi izan
CCOO sindikatuak Siemens Gamesan duen ordezkaritza "oso kezkatuta" azaldu da konpainiak beste berregituraketa bat egin behar duela jakin berritan. Ez omen zuten halakorik espero, Clara Fernandez Zamudioko lantegiko CCOOko kideak aitortu duenez.
Fernandezek azaldu du ez dituztela daturik, eta gaur bilera zeukatela zuzendaritzarekin emaitzak aztertzeko.
Horren ustez, iragarpenak "mezu positibo" bat du behintzat, enpresak "onshore negozioari eutsiko" diola (Espainiako Estatuan lurreko dibisioa da nagusi).
Bestalde, Eusko Jaurlaritzako Ekonomiaren Garapen, Jasangarritasun eta Ingurumen Saileko iturriek Europa Press albiste agentziari azaldu diotenez, Jochen Eickholt Gamesaren CEO-ak joan den asteartean jakinarazi zien berria. Horretaz harago, Jaurlaritzak ez du bestelako adierazpenik egin nahi izan. Argudiatu duenez, enpresak sindikatuei eman behar dizkie azalpenak.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".