Siemens Energyk 4.588 milioi euro galdu ditu 2023an, Siemens Gamesaren "zartako larria" tarteko
Siemens Energy multinazionalak ia 4.600 milioi euroko galerak izan ditu 2023ko urte fiskalean (urritik urrira doa), Siemens Gamesa filial eolikoak "ustekabean" jasandako "zartako larria" tarteko. Konpainiak ohar bidez jakinarazi ditu emaitzak, eta galerak aurreko urtekoen halako bost izan direla zehaztu du (2022ko urte fiskala 940 milioi galduta itxi zuen taldeak).
Alemaniako konpainiak hilabeteak daramatza aire sorgailuen negozioak eragindako galerak pairatzen. Lurreko plataformen (X.4 eta X.5 modeloak) turbinetan izandako matxuren ondorioz, hainbat eskaera bertan behera utzi behar izan dituzte eta kalte-ordainak pagatu atzerapenengatik.
"Testuinguru zail" horri aurre egiteko, akordioa itxi berri du multinazionalak Alemaniako Gobernuarekin eta bertako banketxeekin, eta 15.000 milioi euroko laguntza publikoak jasoko ditu, bermetan, proiektu handietarako.
Ildo beretik, Espainiako Gobernuak bart baieztatu du bankuekin "berme lerro bat" negoziatzen ari dela, Siemens Gamesaren kontratu berrietarako dirutza lortze aldera. "Siemens Gamesaren etorkizuna lehentasuna da Gobernuarentzat", azaldu dute Industria, Merkataritza eta Turismo Ministerioko iturriek. Hector Gomezek zuzentzen duen Ministerioa "enpresarekin eta interesa izan dezaketen banketxeekin hitz egiten ari da", zehaztu du.
Berme horiek gorabehera, Siemens Energyk ez du uste aire sorgailuen filialak berehalakoan emango dionik buelta egoerari, eta 2026ra arte zenbaki gorriekin egongo dela aurreikusi du. Dena dela, taldeak jakinarazi du zehaztu dituela Siemens Gamesaren "kalitate arazoak" eta horiek konpontzeko "neurri zuzentzaileak" martxan jarri dituela.
Christian Bruch multinazionalaren presidente eta kontseilari delegatuaren esanetan, "aurrekaririk gabeko erronkaz betetako" urtebeteren ostean, taldeak "agerian utzi du egoerari buelta eman ahal diola. Negozio guztiek, eolikoa kenduta, urteko helburuak bete edo gainditu dituzte". Hori horrela, salmentek % 9,9 egin dute gora, 31.100 milioi eurora arte, Siemens Gamesaren datuak kenduta.
Hala, 2024rako galtzeari utziko diola aurreikusi du Siemens Energyk, eta etekin garbia 1.000 milioi eurokoa izango dela.
Eusko Jaurlaritza, Siemens Gamesari laguntzeko prest
Pedro Azpiazu Ekonomia eta Ogasun sailburuak adierazi du Eusko Jaurlaritza prest dagoela Siemens Gamesari laguntzeko, ahal duen neurrian, enpresak hala eskatzen.
Gasteizen emandako prentsaurreko batean gai horri buruz galdetuta, Azpiazuk onartu du Jaurlaritza "kezkatuta" dagoela enpresa horren egoerarekin, Euskadirentzat jarduera ekonomiko garrantzitsua delako eta enpleguan eragina izan dezakeelako.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".