EAEko ostalaritzak inoizko datu onenak eskuratu zituen 2022an
Euskal Autonomia Erkidegoko (EAE) ostalaritza sektoreak % 21,7ko hazkundea izan zuen 2022an, datuak biltzen direnetik izandako inoizko urterik onena erdietsita, Eustat Euskal Estatistika Institutuak egin duen zerbitzuen inguruko inkestaren arabera.
Sektoreak —hotelak, ostatuak, jatetxeak eta tabernak— 291,4 milioi euroko irabaziak lortu zituen urte hartan.
Eustaten arabera, negozio zifraren bilakaera ona da emaitza "bikainon" arrazoia; % 25, 7 hazi zen, 2021ean izandako % 33,9ko igoera sendotuta. Institutuaren esanetan, 2020an covid-19 pandemiak gogor zigortutako sektorearen susperraldi argia erakusten dute datuok, urte horretan negozio-zifra ia erdira jaitsi baitzen, -% 47,4ra. Hala, 2022an 4.000 milioi euro ingurukoa izan zen negozio zifra, pandemia aurreko kopuruen (4.500 milioi euro, 2019an) azpitik, dena dela.
Ostalaritzaren bilakaera onaren isla, enplegua % 5,5 igo zen (3.262 pertsona gehiago lanean), 62.406 lanpostura iritsi arte. Urte pandemikoetan, 2020an eta 2021ean, hurrenez hurren, % 5,6ko eta % 2,3ko murrizketak izan zituen.
Lurraldeka, denetan egin du gora ostalaritza jarduerak, bereziki Bizkaian (% 27) eta Gipuzkoan (% 20,4); Araban apalagoa izan zen hazkundea (% 6,5). Negozio zifrak, aldiz, antzera egin zuen gora hiru lurraldeetan (% 22,4 Araban; % 25,3, Bizkaian eta % 27,5, Gipuzkoan).
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".