Langabeziak gora egin du abuztuan: 3.298 gehiago zenbatu dira EAEn eta 66 Nafarroan
Langabeziak gora egin du Araban, Bizkaian eta Gipuzkoan abuztuan. 3.298 langabe gehiago (% 3,05) zenbatu ditu Lanbide-Euskal Enplegu Zerbitzu Publikoak eta, guztira, 111.363 langabe daude erregistratuta.
Igoerarik handiena Gipuzkoan izan da (% 4,64). Atzetik datoz Bizkaia (% 2,84) eta Araba (% 1,29).
Nafarroan, aldiz, ia ez da aldaketarik egon. Langabezia % 0,22 igo da, 66 pertsona gehiago, eta langabeen kopuru orokorra 29.407koa da.
Estatu osoan, ia 194.000 enplegu galdu ziren abuztuan, azken 5 urteetako kopururik handiena.
Lanbidek emandako datuen arabera, azken urteetako abuzturik okerrena izan da aurtengoa lanari dagokionez, EAEn. 2010etik ez da hainbeste langabetu zenbatu abuztuan.
Alfonso Gurpegui Eusko Jaurlaritzako Enplegu eta Gizarteratze sailburuordeak defendatu duenez, "udako ohiko geldialdia gorabehera, Euskadiko enpleguak sendotasunari eusten dio".
Langabetu kopuru orokorrari begiratuta, Bizkaiak izan du langabe gehien (62.995). Bigarren lekuan Gipuzkoa dago (29.898) eta hirugarrenean Araba (18.490).
Langabeen adinari dagokionez, erdiak baino gehiago (% 53,6) 45 urtetik gorakoak dira.
Hala ere, abuztuan, 30 eta 44 urte bitartekoen artean galdu zen enplegu gehien eta, talde horren barruan, nabarmentzekoa da emakumeena, horien langabezia % 8 igo baita.
Langabe guztiak kontuan hartuta ere, emakumeak dira gehiengoa, % 58,5a hain zuzen ere.
Azkenik, zerbitzuena da langabe gehien duen sektorea, baita amaitu berri den abuztuan langile gehien galdu dituena ere. Langabeen % 4 sektore horretakoak izan dira eta, ondoren, industriakoak (% 3).
Kontratazioari dagokionez, abuztuan 47.966 kontratu berri sinatu ziren, eta horietatik 9.928 ( % 20,7) mugagabeak izan dira.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.