EAEko hotelek iazko udan baino % 2,6 turista atzerritar gehiago hartu dituzte aurtengoan
Euskal Autonomia Erkidegoko (EAE) hotelek 1,17 milioi turista hartu dituzte 2024ko udan (uztaila, abuztua eta iraila), erdia baino gehiago (% 54) atzerritik etorritakoak. Are gehiago, eta iazko epe berarekin alderatuta, hazi egin da atzerriko bisitarien kopurua (% 2,6); aldiz, Espainiako Estatutik etorritakoen sarrerak % 2,8 jaitsi dira, Eustatek emandako datuen arabera.
Euskal Estatistika Institutuak Establezimendu Turistiko Hartzaileen azken inkestaren datuak jakinarazi ditu gaur. Iazko udarekin alderatuta, EAEko hotelek sarrera kopuruari eutsi diote (% 0,1) eta gaualdiak % 1,1 haztea lortu dute, hori ere atzerritik etorritako bisitariei esker (% 3,2 igo dira).
Bizkaiko eta Gipuzkoako hotelak dira turista gehien hartzen dituztenak (hurrenez hurren, 521.641 eta 480.490 sarrera), baina bizkaitarrek atzera egin dute iazko udarekin alderatuta (sarrerak % 3,3 jaitsi dira). Arabak (170 414 sarrera), aldiz, % 2,8 egin du gora. Gipuzkoak ere 2023ko datuak hobetu ditu, sarrerak % 2,9 igota.
Hiriburuei dagokienez, hazi egin dira Gasteizko eta Donostiako hoteletan ostatu hartutakoak, betiere iazko epe berarekin alderatuta: % 5,8 eta % 5,7, hurrenez hurren. Bilbok, ordea, iazko udan baino % 3,2 sarrera gutxiago erregistratu ditu.
Iraileko datuak ere jakinarazi ditu Eustatek. Azken hilabetean, jaitsi egin da EAEko hoteletan izandako sarrerak (% 1,8), betiere 2023ko irailarekin erkatuz gero. Guztira, 359.503 sarrera izan dira. Bisitarien erdia baino gehiago (% 55) atzerritarrak dira, eta iazko irailean baino gutxiago badira ere (- % 0,7 ), Espainiako Estatuko sarreretan izan den jaitsiera baino apalagoa da (% 3,2 egin dute behera). Gaualdi kopuruak (731.977) ere behera egin du, baina jaitsiera txikiagoa izan da (apenas igarri da, % 0,2).
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.