Chivitek itxaropena hitzeman die Ezkirotzeko 660 langileei, BSHrekin egindako bilera "positibotzat" jota
Nafarroako presidente Maria Chivitek "etorkizun itxaropentsua" hitzeman die gaur Ezkirotzeko lantegiko 660 beharginei, Madrilgo Lan Ministerioan BSH multinazionaleko zuzendariekin egin duen bilera bukatu ostean.
Abenduaren 16an, BSHk iragarri zuen asmo duela datorren ekainaren 16an Ezkirotzeko lantegia ixtea, eta horri buruz aritzeko deitu zuten gaurko bilera.
Handik irten denean, Chivitek (PSN) komunikabideei adierazi die "lanerako mahai bat" osatuko dutela Espainiako eta Nafarroako gobernuek, lanpostu horien galerari irtenbide bat bilatze aldera.
"660 lanpostu zuzen eta zeharkako beste hainbeste dira. Enpresak esan du egin dituela alternatibak bilatzeko ahaleginak, baina orain elkarrekin egingo dugu lan, bazkideei, inbertitzaileei, berrindustrializazioari eta produktu berriei buruz hitz egingo dugu. Hori guztia lanposturik gal ez dadin", erantsi du.
Ildo horretan, onartu du BSHk mahai horri atea ireki diola, baina lantegia ixtean tematuta dagoela.
Enpresa batzordearen protesta
BSHren Ezkirotzeko lantegiko enpresa batzordeak elkarretaratzea egin du gaur, Espainiako eta Nafarroako Gobernuak Alemaniako multinazionalaren zuzendaritzarekin bilduta zeuden bitartean. Batzar horri buruz esan dute ez dutela aurreikuspen zehatzik.
Espainiako Industria Ministerioko ordezkariek eta Nafarroako Gobernukoek (Jordi Hereu eta Maria Chivite buru) lantegiaren etorkizunaz jardun dute goizean, ekainerako iragarritako itxiera ardatz hartuta.
Esan bezala, Madrilen bilera egin duten bitartean, BSHko langileek protesta egin dute "BSH ez dute itxiko. Nafarroako industriaren alde" lelopean, eta "Balayn lagunik ez dugu" gisako aldarriak oihukatu dituzte.
Elkarretaratzean bertan, enpresa batzordeko presidente Juanjo Hermoso de Mendozak komunikabideei adierazi die asteak eman dituztela negoziaziorako bitartekari bat eskatzen, eta azkenean lortu dutela lehen hitzordu bat egitea.
"Hori da guretzat garrantzitsuena, BSHko Alemaniako zuzendaritzako ordezkariak Madrilen egotea", esan du Hermoso de Mendozak. Halaber, nabarmendu du enpresa batzordeak Nafarroako Gobernuan konfiantza duela, eta erantsi bihar bertan bilduko direla gaurko batzarrean hitz egindako kontuen berri jasotzeko.
Bukatzeko, azpimarratu du lantegian "burumakur" daudela, ziurgabetasun egoeran daudelako, eta ez direlako normaltasunez lan egiten ari.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.