Inoizko fakturazio handiena lortu du makina erremintaren sektoreak 2024an: 2.193 milioi euro
Fabrikazio aurreratuaren eta makina erremintaren sektoreak inoizko fakturazio daturik onena lortu zituen iaz. Guztira, 2.193,11 milioi euroko fakturazioa izan zuen 2024an, aurreko urtean baino % 1,66 gehiago. Hala ere, eskariak % 23,11 jaitsi ziren.
AFM makina-erremintaren klusterraren presidente Jose Perez Berdudek eta Xabier Ortueta zuzendari nagusiak ostegun honetan emandako datuen arabera, errekor urtea izanagatik, iazkoa urte "ezberdina" izan zen.
Merkataritza eta ekonomia testuingurua "zaila" izan arren, fakturazioak gora egin zuen 2022ko eta 2023ko eskari zorro handiari esker.
Esportazioak % 1,73 hazi dira azken urtean, 1.639,73 milioi euroraino, eta orain arte ezarritako markak hautsi zituen datuak Lehen aldiz, Mexiko ageri da esportazioen buru, 2023ko zenbakiak bikoiztuz. Ameriketako Estatu Batuak bigarren dira zerrendan, 2023tik % 5 hazita. Txinako esportazioak % 25 hazi dira, baina ohartarazi dute herrialde horretako eskariak jausi egin direla.
2024an erregistratutako eskariei dagokienez, % 23,11 jaitsi dira urtebetean, "bi urtez igoera handiak izan ondoren". Eskarien kasuan, Ameriketako Estatu Batuak, Saudi Arabia, Alemania, Mexiko, Italia, Txina, Turkia, Kanada, Frantzia eta Erresuma Batua daude zerrendako lehen hamar postuetan.
Eskariek azken 12 hilabeteetan izan duten bilakaera ikusita, urte honen amaieran fakturazioa "nabarmen" jaistea aurreikusi du AFMk. Hala ere, jaitsiera ez omen da "dramatikoa" izango.
Bestalde, makina erremintaren sektoreak Europaren ahultasunari (Alemania, Frantzia eta Italia, bereziki), Txinaren protekzionismoari eta Ameriketako Estatu Batuetako ziurgabetasunari aurre egingo beharko diola nabarmendu du AFMk. Testuinguru horretan, "bideragarria" den industria babesteko deia egin du.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.