Eusko Jaurlaritzak EKI plana aurkeztu du "enplegu publikoaren aro berriari erantzuteko"
Eusko Jaurlaritzak EKI izeneko plana aurkeztu du gaur Lakuan, "administrazioko enplegu publikoaren aro berriari erantzuteko eta zerbitzu publikoak indartu eta etorkizuneko administrazioa eraikitzeko helburuarekin".
Lehenengo pausoak, baina, Maria Ubarretxena Gobernantza, Administrazio Digital eta Autogobernuko sailburuak azaldu duenez, enplegu publikoaren "egonkortze prozesuari amaiera ematea" izango du helburu, ondoren "enplegu publikoaren aro berriari ekin ahal izateko".
Jaurlaritzak emandako datuen arabera, Administrazio Orokorrean 8.000 langile inguru daude, eta aurreikusten dabitarteko langileen tasa martxoan % 14koa izatea eta % 8 ingurukoa urte amaieran; abstentzio-tasa, berriz, %7,52koa da eta datozen 4 urteetan, 80ko hamarkadan administrazioan lanean hasi ziren langileen ia %20k erretiroa hartuko du.
Egitasmoaren aurkezpenean, Ubarretxenak eta Maite Barruetabeña Enplegu Publikoko sailburuordeak nabarmendu dute "administrazio malguago, berritzaileago, dinamikoago eta euskaldunago baten aldeko apustua" egingo dutela.
Horretarako, lau eremutan banatuko dituzte ekintzak. "Plan honek ezagutza baliatu nahi du aldaketarako palanka gisa, eta horren helburua da langile publikoen talentua eta gaitasun digital zein profesionalak indartzea, eta bereziki, belaunaldi-errelebo ordenatua bermatzea", azaldu dute.
Enplegu publikorako sarbideari dagokionez, prozesu berriak jarriko omen dituzte abian "langilerik onenak hautatzeko", eta hautaketa-epaimahaiak hobetuko dituzte "prozesuak inpartzialki, profesionalki eta objektiboki gara daitezen".
Prestakuntza jarri dute ardatz langile publikoen ibilbide profesionalerako, eta hor hiru proiektu iragarri dituzte: prestatzaileen prestakuntza, prestakuntza-ibilbide pertsonalizatuak eta etengabeko hobekuntza prestakuntzan.
Erretiroa hartuko duen langile kopuru handia aintzat hartuta, "ezagutzaren kudeaketa"ri ere eman diote garrantzia, eta tresna bat sortu dute, "lanpostua utziko duen pertsonaren ezagutza jaso eta transmititzeko, haren lekua hartuko duen pertsonak hasieratik izan dezan ezagutza hori".
Lanpostuen gaitasunen azterketa ere egingo dute, lanpostuen konpetentziak zehazteko eta garapena ahalbidetuko duten baliabideak prestatzeko.
Prozesu hori guztia burura eramateko, Ubarretxenak ezinbestekotzat jo du "langile publikoen laguntza eta sindikatuen konplizitatea eta konpromisoa", eta hitzeman du "gogor" lan egingo dutela sindikatuekin akordioak lortzeko.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.