Osalanek aitortu du gizonei emakumeei baino laneko gaixotasun gehiago onartzen zaizkiela
Gaur, Laneko Osasunaren eta Segurtasunaren Nazioarteko Egunean, langileak, sindikatuak eta erakundeak kalera atera dira prebentzio neurriak eskatzeko, eta istripu eta laneko gaixotasunak direla eta kargu hartzeko.
Egun honen harira, Lourdes Iscar Osalanen zuzendari orokorra elkarrizketatu dute Radio Euskadin, eta istripuaren "aurretik" jarri nahi izan du arreta, hau da, prebentzioan.
Horregatik, azpimarratu du laneko Segurtasun eta Osasunerako Euskal Erakundeak "etengabe" lan egiten duela prebentzioan, "ez istripuak gertatzen direnean bakarrik". Hori horrela, "prebentzioaren kultura" defendatu du.
Langileak zaintzearen ardura "enpresarena" dela esan du, baina segurtasunarena eta prebentzioarena enpresak, "tarteko kargudunek, gerenteek, prebentzio arduradunek eta langileek" banatzen dutela.
Istripu larriei dagokienez, zehaztu du aurtengo lehenengo hiruhilekoan 7 langile hil direla EAEn, eta 12 hil zirela epe berean, iaz. Gainera, azaldu du 20 urtean % 40 jaitsi dela hildako langileen kopurua, baina kausak berdinak direla: altuera handiko erorketak, makinak iraultzea eta makinetan harrapatuta geratzea.
Iscarrek "guardia ez jaisteko" deia egin die langileei, ez dagoelako "guardia jaisteko urgentziazko arrazoirik" lan arloan, eta makinen mantenuan inbertitzeko, eta erabiltzen erakusteko eta beharrezko baliabideak eskaintzeko eskatu du.
Bestalde, Osalanen zuzendariak langileei dei egin die "jakinaren gainean jartzeko patologia batek lanpostuarekin zerikusia duela uste badute", horrela atzeman ahal izateko eta horrek langileari ematen dizkion eskubideak aitortu ahal izateko.
Iscarren esanetan, orain dela gutxi arte ez da genero ikuspegirik txertatu laneko gaixotasunen azterketan, nahiz eta "desberdin gaixotzen" diren, eta maiz, sektore desberdinetan lan egiten duten.
Gainera, aitortu du laneko gaixotasun gisa onartzen direnen artean, gehiagotan direla gizonezkoenak, nahiz eta emakumeenen kopurua handitzen ari den.
CAFeko sindikatuek Osalani egin dioten kritiken harira (amiantoa kentzeko prozesuan nahikoa baliabide ez ematea leporatzen diote), erantzun du "injustua" dela Osalani esatea "ez duela behar duena egiten, are gehiago CAFen", Osalanek "amiantoa kentzeko egitasmo guztietan parte hartu duelako", eta "langile asko" jartzen dituelako amiantoaren biktimak artatzeko.
Azkenik, jakinarazi du prebentzioko irakasle bat ikertzen ari direla LABek jarrera matxistak eta arrazistak salatu ostean. Dena den, gehitu du prestakuntza azpikontratatu egiten dutela, eta irakasleak ez direla Osalaneko langileak.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.