Euskal industriak trantsizio energetikoa bizkortuko du "Deskarboniza 2025" planarekin
Euskadik aurrerapausoa egin du industria jasangarriagoa lortzeko bidean "Deskarboniza 2025" planari esker. Planak industria-sektorearen emisioak murriztea du helburu, autokontsumoaren eta teknologia garbien aldeko apustua eginez. 400 milioi euroko zuzeneko laguntzekin eta 1.200 milioiko inbertsioa sortzea helburu hartuta, lankidetza publiko-pribatuko ekimena da.
Programaren helburuen artean daude energia-eraginkortasuna hobetzea, autokontsumoa sustatzea eta hidrogeno berdea eta tankerako teknologiak bultzatzea. Mikel Jauregi Industria sailburuaren arabera, "deskarbonizazio zuhurra" da, lehiakortasuna hobetzea bilatzen duena, segurtasun energetikoa arriskuan jarri gabe.
Estrategia horren adibide zehatzetako bat da Barakaldoko BECeko teilatuan jarriko den instalazio fotovoltaikoa. Eraikinak behar duen energiaren % 25 beteko du. Antzeko ekimen bat jarriko dute martxan Gurutzetako Ospitalean, sare elektriko konbentzionalarekiko menpekotasuna murrizteko. Bi proiektuak Energiaren Euskal Erakundearen (EEE) laguntza teknikoarekin garatu dira.
Dirulaguntzez gain, enpresek % 35erainoko zerga-kenkariak jasoko dituzte jasangarri izateko inbertsioak egiteagatik. Eusko Jaurlaritzaren kalkuluen arabera, enpresa txiki edo ertain batek deskarbonizazio-proiektuaren kostuaren % 68 ere ordain lezake laguntza horiei esker.
Foru-aldundietan ere indartu egin dira laguntzak, ildo espezifiko horietan. Arabak, Bizkaiak eta Gipuzkoak ekimen propioak aurkeztu dituzte enpresei prozesu horretan laguntzeko, eta trantsizio energetikoaren garrantzi estrategikoa azpimarratu. "Ez da emisioak murriztea bakarrik", adierazi du Ainara Basurko Bizkaiko foru diputatuak, "lehiakortasuna irabaztea eta inbertsioak erakartzea baizik".
Eusko Jaurlaritzak gogorarazi du, eraldaketa hori bideragarria izan dadin, sare elektrikoak indartu beharko direla. Azken itzalaldiak azpiegituretako inbertsioak bizkortzeko beharra mahai gainean jarri du, Jauregik berak ohartarazi zuen bezala: "Industria deskarbonizatua lortzeko, sare elektriko sendoagoa eta erresilienteagoa ere behar dugu".
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.