EAEk langile falta izango du 2036an: gutxienez 20.000 langile behar izango dira
"Probabilitate handia" dago 2036. urtean Euskal Autonomia Erkidegoan langile nahikorik ez izateko, eta gabezia hori 20.000 eta 170.000 bitartekoa izan daiteke.
Hori da asteazken honetan Laboral Kutxak Bilbon aurkeztu duen "Enplegua eta Trantsizio Demografikoa EAEn eta Nafarroan: 2036ko horizontea" azterlanaren ondorio nagusienetako bat.
Azterlanak bi ardatz ditu, bi galdera —zenbat pertsona egongo diren lanerako prest eta zenbat enplegu egongo diren— alegia, eta horietatik tiraka proiekzio ariketa bat egin dute.
Hortik abiatuta bederatzi egoera posible aztertu dituzte, positiboak eta ez hain positiboak. Bederatzi egoera horietako zazpitan langileak faltako direla aurreikusten da. Azterlanean aurreikusitako egoera onenean ere —% 78ko enplegu-tasa eta azken hamarkadako lanpostu sorrera— ez dira lanpostu guztiak betetzen. Are gehiago, oreka positiboa lortzen da soilik hiru aldagai hauek uztartuz gero: 65 eta 69 urte bitarteko langileen proportzio bat, lanpostu sorrera bertsua eta % 78ko enplegu tasa. "Gainera, emakumeen partaidetza (lan munduan) handiagoa izango litzateke; eta migrazio-saldoa, positiboa", gaineratu dute.
Testuinguru horretan, proposatu dute hiru norabidetan esku hartzea: langile seniorrek lanean jarrai dezaten bultzatzea, migrazioa erakarri eta mantentzea, eta lanbide prestakuntza eguneratzeko programak azkartzea. Halaber, adierazi dute balitekeela enplegu-eskaeraren zati bat produktibitatearen igoerarekin betetzea.
Azkenik, azterlanak ondorioztatu du aurrerantzean enplegu eta langile kopuruaren arteko ekuazioa ez dela soilik zikloko ekonomikoaren bidez ebatziko, eta demografiari, hezkuntzari eta migrazioari lotutako aldagaiak kontuan hartu beharko direla.
Zure interesekoa izan daiteke
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian langabezia-tasa % 0,60 igo da EAEn eta % 2,04 Nafarroan, irailarekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazioa % 1,32 hazi da EAEn eta % 0,89 Nafarroan.
Petronorreko gatazkak bere horretan dirau: langileek ez dute akordioa onartu eta greba mugagabean jarraitzen dute
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.