Gutxieneko soldata propioaren aldeko greba orokorra "jarraipen zabala" izaten ari dela jakinarazi dute sindikatu deitzaileek
ELA, LAB, Steilas, Etxalde eta Hiru sindikatuek adierazi dutenez, jarduera ohiko astegun batekoa baino askoz baxuagoa da, eta trafikoaren dentsitatea nabarmen jaitsi da. Halaber, piketeek errepideak moztea eragin dute Trabakuan, Kanpanzarren, Itziarko igoeran eta N-1 errepidean.
Piketeek EHUren Leiorako campuserako sarrera blokeatu dute. Argazkia: EFE
Gutxieneko soldata propioaren aldeko greba orokorra "jarraipen zabala" izaten ari da lehen orduetan, ELA, LAB, Steilas, Etxalde eta Hiru sindikatuen, deitzaileen, arabera. Ohar bidez azaldu dutenez, jarduera ohiko astegun batekoa baino askoz txikiagoa da, eta trafikoaren dentsitatea nabarmen jaitsi da.
Deitzaileen arabera, "Gutxieneko soldata hemen erabaki. 1.500 euro. Soldatak hobetu aberastasuna banatzeko" aldarriak atxikimendu handia izan du langileen aldetik, eta askok erabaki dute gaur lanik ez egitea.
Halaber, piketeen eragina nabaria da hainbat industrialde eta errepidetan.
Eguneko manifestazio nagusiak 12:30ean egingo dira Hego Euskal Herriko lau hiriburuetan, Bilbon Moyua plazatik, Iruñean Gazteluko plazatik, Donostian Pio XII.aren plazatik eta Gasteizen Bilbo plazatik. Aurrez, 11:00etan hasita, hiri bakoitzean zutabeak aterako dira manifestazioak egingo diren tokietara. Bilboko mobilizazioan Mitxel Lakuntza ELAren idazkari nagusiak eta Igor Arroyo LABen koordinatzaile orokorrak parte hartuko dute.
Piketeek hainbat errepide itxiarazi dituzte
Greba orokorreko piketeek N-1 errepidea itxi dute, Andoain parean, eta San Mameseko sarrera ere blokeatu dute Bilbon.
Era berean, N-1 errepidea blokeatu dute Andoainen, 07:00etatik 07:50era, eta 7 kilometrorainoko auto-ilarak eragin dituzte.
Halaber, grebarekin bat egin duten batzuek eserialdia egin dute EITBk Bilbon duen egoitzaren parean, eta San Mameseko sarrera-irteerak blokeatu dituzte.
Piketeek Bilboko sarrera errepidea itxi dute, San Mamesen
Horrez gain, protesten ondorioz auto-ilarak sortu dira Martuteneko biribilgunean, Donostian, Agirletako errepidean, Bilbon, eta N-634 errepidean Usansolo eta Zornotza artean. Gainera, EHUren Leioako campuserako sarbideak itxi dituzte.
Nafarroan, Mutiloako industrialdean errepidea blokeatu dute eta Sakanako autobidea (A-10) ere itxi dute, Arruatzun.
Euskal Herriko Kontseilu Sozialistak (EHKS), bere aldetik, Aernnova enpresarako eta Bilboko porturako sarrerak itxi ditu, "industria militarraren negozioa" salatzeko.
Halaber, piketeek hainbat errepide itxi dituzte goizeko lehen orduan. Hori dela eta, trafiko eragozpenak izan dira Kanpanzarren (Elorrio), Trabakuan (Mallabia) eta Itziarko igoeran (Deba). Dena den, 06:30erako zirkulazioa bere onera itzuli da hiru puntu horietan.
Azkenik, Renferen aldirietako tren zerbitzua eten dute Andoain eta Hernani artean, Hernaniko geltokian barrikada bat egin dutelako.
Metro Bilbao lanegun bateko ohiko zerbitzuen % 62 eskaintzen ari da
Eusko Jaurlaritzak garraio publikoan % 30eko gutxieneko zerbitzuak ezarri baditu ere, Metro Bilbaok nabarmendu du lanegun bateko ohiko zerbitzuen % 62 eskaintzen ari dela.
Zure interesekoa izan daiteke
Brent petrolioaren prezioak 100 dolarren gainetik jarraitzen du
Gatazka belikoaren aurretik, petrolioaren erreferentziazko prezioa 72 eurotan zegoen. Ormuzeko itsasartearen itxierak prezioen igoeran modu erabakigarrian eragin du.
Albiste izango da: M17ko greba orokorra, Jaurlaritzaren neurriak krisi energetikoari aurre egiteko eta borondatezko kaleratzeak Tubos Reunidosen
Gaurkoan Orain-en albiste izango direnen laburpena, bi hitzetan.
Piketeek Bilboko sarrera errepidea itxi dute, San Mamesen
"Gaur, greba orokorra" eta "Borroka da bide bakarra" oihukatuz, hainbat pertsonak Bilbotik irteteko errepidea itxi du, San Mamese, goizeko lehen orduan.
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Hauek dira gaurko greba orokorrerako ezarritako gutxieneko zerbitzuak Hego Euskal Herrian
Eusko Jaurlaritzak eta Nafarroako Gobernuak funtsezko eremuetan, hala nola Osasunean, Hezkuntza eta Larrialdietan, bete beharreko gutxieneko zerbitzuak finkatu dituzte. Honako hauek bermatuko dira.
EAEko medikuek beren aldarrikapenei "egitateekin" erantzuteko eskatu dute
Medikuntzako ehunka profesionalek euren aldarrikapenei "egitateekin" erantzuteko eskatu dute astelehen honetan, Euskal Autonomia Erkidegoko hiru hiriburuetan egindako manifestazioetan, eta "kosta ahala kosta" helburuak lortuko dituztela ziur agertu dira.
Tubos Reunidosek lan-erregulazioko espedientean aurreikusitako 301 borondatezko kaleratzeak lortu ditu
Enpresak gaur, astelehena, 15:00ak arteko epea eman zuen beharginek borondatez lana uzteko. Azpimarratu du helburu hori beharrezko urratsa zela bideragarritasun-plana lortzeko.
Greba mugagabea hasi dute Tubos Reunidosek Amurrion duen lantegian, jarraipen osoarekin
Langile talde batek piketea egin du lantegiaren atarian. Sindikatuen arabera, grebaren jarraipena erabatekoa izaten ari da, eta soilik zerbitzu minimoetako beharginak joan dira lanera.
Energia sektorerako eta mozkin handiko enpresentzako zergak proposatu ditu EH Bilduk
Nerea Kortajarena EH Bilduren Programa zuzendariak azaldu duenez, aberastasuna "banatzeko" neurri-sorta proposatu dio koalizioak Espainiako Gobernuari, "gerraren ondorioak familiek ordain ez ditzaten".