Emakumeek gizonen arreta bikoitza eskaintzen diete seme-alabei
Etxetik kanpo lan egiten duten emakumeek egunero gizonen arreta bikoitza eskaintzen diete adingabeko seme-alabei eta mendekotasuna duten helduei.
Horixe da Eustatek 2010ean lana, familia eta bizitza pertsonala uztartzeari buruz egin zuen inkestaren ondorio nagusia, Francisco Javier Forcada Eustaten zuzendariak Gasteizen emandako prentsaurreko batean azaldu duenez.
Etxetik kanpo lan egiten duten emakumeek bost ordu edo gehiago eskaintzen dituzte seme-alabak zaintzeari egunero, baina gizonezkoen % 52,4k bi ordu edo gutxiago. Zazpi gizonetik batek (% 15,2) soilik eskaintzen die seme-alabei emakumezkoek adina denbora.
Mendekotasuna duten senideei dagokienez, emakumezko langileen % 61,2k hiru ordu edo gehiago eskaintzen die egunero, eta portzentaia hori % 26,7ra jaisten da gizonen kasuan.
Arduren desberdintasun hori agerian uzten duen datu bat eman du Eustatek: emakumezkoen laurdena ez da gustura agertu bizitza pertsonalerako, aisialdirako eta formakuntzarako duen denbora librearekin eta gizonezkoen kasuan bostetik bat ere ez.
Gainera, emakumeen ia laurdena ez dago gustura bikotekideak etxeko lanetan ematen dion laguntzarekin. Gizonezko langileen kasuan, gehiengoa oso gustura dago bikotekideak etxean egiten duen lanarekin.
Arreta deitzen du, hala ere, emakumezko langileen % 71 pozik dagoela seme-alaben zaintzarekin, eta pozik dauden gizonak gutxiago dira, % 61,6.
Mendekotasuna duten senideen zaintzaren kasuan, lan egiten duten herritarren hirutik batek arazo handiak ditu lana senideen zaintzarekin uztartzeko.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.