Aresek aitortu du balitekeela Ertzaintzak 'zabarkeriaz' jokatu izana
Rodolfo Ares Eusko Jaurlaritzako Herrizaingo sailburuak aitortu du balitekeela Ertzaintzak "zabarkeriaz" jokatu izana ostegunean, hots, istilu batzuetan esku-hartu eta Iñigo Cabacas 28 urteko gaztea pilota batez jo zuenean.
Radio Euskadiko "Boulevard" saioan egindako elkarrizketan, Aresek zehaztu du balitekeela agenteek protokoloa "zehatz-mehatz" bete ez izana Maria Diez de Haro kalean izan ziren istilu bakanetan. Iñigo astelehenean hil zen Basurtuko Ospitalean, ostegunetik koman izan eta gero. Egun horretan, ostegunean, pilotakada bat jaso zuen, berak parte hartu ez zuen istiluetan.
Hori horrela, Herrizaingo sailburuak berretsi du "azken ondorioak arte" ikertuko dutela gertatutakoa, eta erantzukizunak zehaztuko dituztela.
Horren ildotik, Aresek azaldu du Ertzaintzaren arauek espedienteak irekitzea aurrez ikusten dutela, baina ez du baieztatu nahasitako agenteen aurka bide penaletik ere joko duten.
Dimititzeko asmorik duen galdetu diotenean, Aresek erantzun du une honetan gertatutakoa argitzea dela bere "irrika pertsonala".
Herrizaingo sailburuak ez du zehaztu bere Sailak gomazko piloten erabilera debekatuko duen, baina bihar Eusko Legebiltzarrean egingo duen premiazko agerraldian horren inguruko azalpenak emango dituela gaineratu du.
Iazko ekainean, Europako Batzordeak gomazko pilotak erabiltzea debekatu egin zion Ertzaintzari, oso arriskutsuak direlako. Orduan, Herrizaingo Sailak jakinarazi zuen berritu egingo duela istiluen aurkako materiala 2012 urtea bukatu baino lehen.
Ezker abertzaleak egindako kritikei dagokienez, sailburuak salatu egin du Iñigoren heriotza "politizatzen saiatu izana". "Nazkagarria da indarkeria beti justifikatu eta babestu eta Ertzaintzaren aurkako erasoak sustatu dutenek tankera horretako adierazpenak egitea", nabarmendu du.
Iñigoren hileta 19:30ean egingo dute, Bilboko Corpus Christi elizan, Poza Lizentziatuaren kalean. Aresek azaldu du Jaurlaritzak ekitaldira joan edo ez aztertu duela, eta azkenean ez duela egingo, errespetu seinale gisa eta heriotza ez politizatzeko.
Azkenik, Aresek goratu egin du Cabacas Liceranzu sendia, semearen oroimena aldarrikatu eta haren heriotza ez politizatzea eskatu baitu.
Zure interesekoa izan daiteke
Ipar Euskal Herriko hainbat tren etenda egongo dira bihar, Nils ekaitza dela eta
SNCF tren-konpainiak jakinarazi duenez, Hendaia eta Akize eta Baiona eta Puyoo artean ez da tren-zerbitzurik izango bihar goiz osoan, eta Baiona eta Donibane Garazi lotzen dituen linea, berriz, ostiral goizera arte egongo da etenda.
Irungo alarde tradizionaleko bi buruk dimisioa eman dute, kapitainetako bati jarritako zigorrak eragin duen ika-mikaren ondorioz
Kantinera batek barne-salaketa bat aurkeztu zuen kapitainetako baten kontra, jokabide desegokia egotzita. Araldearen Batzordeak zigorra ezarri zion horregatik, baina zenbait kapitain eta unitate-buruk erabakia errefusatu dute.
Ikertzaileen erdiak baino gehiago emakumeak dira Osakidetzan
Emakume Zientzialarien Nazioarteko Eguna dela eta, Osakidetzak azpimarratu du bere ikertzaileen % 66,5 emakumeak direla, eta horietatik % 42,5 ikerketa-taldeen buru direla.
Bilbo, "munduan bakarra den jaian" murgilduta, Athletic eta Realaren arteko finalerdietako derbia baliatuta
Bi taldeen jarraitzaileek Sevillako finalera iristea espero dute, baina onartzen dute ez dela erraza izango. Ilusioa eta urduritasuna nabari dira, eta denak zain daude 21:00ak iritsi eta Errege Kopako finalerdiko joaneko partida hasteko.
Ertzaintzak emakume bat atxilotu du Gernikan, bikotekidea hil duelakoan
Ikerketa 62 urteko gizon bat hilda agertu zenean hasi zen. Haren gorpuak indarkeria zantzuak zituen, baina hasiera batean istripuz erori zela adierazi zuen Poliziak.
Espetxean sartu dute Lezaman hilda aurkitutako gizonaren kasuarekin zerikusia duelakoan atxilotutako gaztea
Arratsaldeko lehen orduan deklaratu du, eta hilketa delitua leporatuta agindu du epaileak haren espetxeratzea.
Emaztea eta alabak mehatxatu eta atxiki zituen gizonaren bila jarraitzen du Bilboko Udaltzaingoak
Gizonak leiho batetik ihes egin zuen, senideak mehatxatu eta gogoz kontra atxiki ondoren.
Bilbo eta Santander arteko tren zerbitzua eten dute, trenbidean zuhaitz bat erori delako
Zirkulazioa etenda dago Traslaviña eta Karrantza artean, lehen orduan izandako gorabeheraren ondorioz. Ez da inor zauritu.
Albiste izango dira: Derbia zuzenean EITBn, Enplegu erregulazio espedientea Tubos Reunidosen eta Trump-Netanyahu bilera
Gaurkoan Orain-en albiste izango direnen laburpena, bi hitzetan.
Errepideak moztuta, ibaiak gainezka, argi-mozketak... Andaluziak ekaitzen ondorioak pairatzen jarraitzen du
Bizilagun askok egunak daramatzate etxetik kanpo; oraindik 3.500 lagun daude kiroldegietan eta hoteletan. Etxera itzuli direnek lokatza eta ura aurkitu dituzte bazter guztietan.