Ikastolek lege berria eskatu dute, Werten 'mehatxuari' aurre egiteko
Ikastolen Elkarteko ordezkariek eskola hitzarmen baten beharra azpimarratu dute, Eusko Legebiltzarrak hezkuntza lege berri bat onar dezan legegintzaldi honetan. Jose Ignacio Wert Espainiako Hezkuntza ministroak aurkeztutako LOMCE lege berriaren mehatxuari aurre egin nahi diote horrela.
Gaur goizean Bilbon prentsaurrekoa eskaini dute Ikastolen Elkarteko ordezkariek, eta bertan izan dira Koldo Tellitu eta Imanol Igeregi Ikastolen Elkarteko presidentea eta zuzendaria, hurrenez hurren, Hur Gorostiaga Seaskako zuzendaria eta Pello Mariñelarena Nafarroako Ikastolen zuzendaria. Koldo Tellituren esanetan, "Euskal Herriko egungo hezkuntza sistema agortuta dago, eta sakoneko berrikuntza baten beharra du".
"Beharrezkoa da hezkuntza sistema propioa sortzeko bidean aurrerapausoak ematea. Hezkuntzaren Euskal Legea onartu behar da berandu baino lehen, ez oraingoa zaharkituta dagoelako bakarrik, behar berriak sortu direlako baizik", gaineratu du.
Koldo Tellituren iritziz, beharrezkoa da gai horretan hitzarmen zabalak eta egonkorrak lortzea; izan ere, "ezin dira aldaketak egin gobernuan dagoen alderdiaren arabera". Hori dela eta, hezkuntza alorreko eragileekin topaketa bat antolatu dute urtarrilaren 31rako. Ikastoletako zuzendariek eta alderdi politikoetako ordezkariek parte hartuko dute bilera horretan, eta hezkuntzaren zerbitzu publiko izaera eta Wert ministroaren hezkuntza erreforma izango dituzte hizpide.
EHUren egoitzan izango da bilera, eta EAJ, EH Bildu, PSE-EE eta PP alderdietako ordezkariek parte hartuko dute.
Ikastolen Elkarteko ordezkariek gogoratu dutenez, aurrematrikula egiteko kanpaina irekita dago jada, otsailaren 8ra bitartean, "Ongietorri ikastolara" lelopean.
Bestalde, Iparraldeko ikastolei babesa erakutsi diete, eta bat egin dute larunbatean Hendaian egingo den manifestazioarekin.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.