Legazpik 'atez ateko' sistema ezarriko du hondakin organikoentzat
Legazpiko Udalak hondakin organikoak eta birziklaezinak direnak biltzeko atez ateko sistema ezarriko du. Halaber, papera eta plastikoa nola bildu erabakitzeko "herritarren parte-hartzea" eskatu du, eta prozesu horretan, ez du atez ateko sistemaren aurkako plataformak parte hartuko.
Plataforma horrek iragarri duenez, ez dute prozesu horretan parte hartuko "Udalak ez duelako Legazpiko gehienek nahi dutena aintzat hartzen"; izan ere, herriak hondakin organikoak bosgarren edukiontziaren bidez birziklatzearen alde egin zuela azaldu dute azken hauek.
Kepa Urzelai alkateak iragarri du "herritarren parte-hartzea" bultzatzeko fasea. "Gaikako bilketa pertsonalizaturako lehen pausoak" ematen ari direla esan du, eta helburua zaborren % 73 birziklatzea dela azaldu du.
Otsailaren 7an, Udalaren eta atez ateko sistemaren kontrako plataformaren arteko negoziazioak bertan behera gelditu ziren, ezin izan baitzuten akordio batera iritsi.
Urzelairen iritziz, negoziazioa urtarrilaren 10ean hasi zen, "giroa lasaitzeko asmoz eta bilketa sistema hobetzeko; ez baitu nahiko genituzkeen emaitzak lortzen".
Udalaren hasierako asmoa dena atez ateko sistemaren bidez biltzea zen, baina "negoziazio mahaian egondako jarrerak kontuan hartuta, papera eta plastikoa era berean batu nahi duten galdetuko diegu herritarrei", gaineratu du.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.