Bilboko epaileek etxegabetzeak geldiaraziko dituzte, enkanterik ezean
Bilboko epaileek geldiarazi egingo dituzte etxegabetzeak, enkanterik edo ondasunen bahiketarik egin ez den kasuetan, Kongresuan idazten ari diren hipoteken lege berria onartzen duten arte.
Etxegabetzeak berehala geldiaraziko dituzte, Europar Batasuneko Justizia Auzitegiak Espainiako etxegabetzeen araudiaren kontra martxoan kaleratu zuen ebazpenarekin bat egiteko.
Bilboko lehenengo instantziako Epaileen Batzarrak hartu du erabakia, Alfonso Gonzalez Bilboko epaile dekanoak jakitera eman duenez.
Gonzalez Guijak azaldu duenez, baliteke Bilboko epaileek hartu duten erabakia ez izatea banketxeen gustukoa, baina Luxenburgoko Auzitegiaren irizpidearekin bat egiten du.
"Luxenburgok ofizioz jarduteko, gehiegizko klausulak ote dauden jakiteko kontratuak berrikusteko eta herritarrak babesteko eskatzen badigu, ez du zentzurik etxegabetzeak egitea legea berria indarrean jartzen duten arte", gaineratu du Guijak.
Bilboko epaile dekanoaren esanetan, "kontua ez da epaileek legeak egitea", baizik eta EBko Auzitegiak ebazten duenera egokitzea Kongresuak lege berria bideratzen duen bitartean.
Enkantea martxan dagoen kasuetan edo ondasunen bahiketa jakinarazi denean, epaileak erabakiko du etxegabetzeak aurrera jarraitzen duen ala ez.
Zure interesekoa izan daiteke
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital batean oinarrituko da.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.
Korrika Gipuzkoan sartu da!
Atallu eta Araitz-Betelu atzean utzi eta Lizartzatik barrena sartu da Korrika Gipuzkoan, Tolosaldea eskualdean. Berastegiko udaleko ordezkariak izan dira lekukoa Gipuzkoara sartu dutenak. Ondoren, Galtzaundi Tolosako euskaltzaleen elkartearen txanda izan da. Mallopeko eta Tolosaldeako eskualdeak bat egin dute Korrikaren alde. Gauean, besteak beste, Tolosa, Andoain, Hernani, Oiartzun eta Irun igarota, Nafarroara itzuliko da berriz ere eta goizaldeko 6ak aldera Beran espero dute.
Familia batek salatu du Durangoko egoitza bateko erabiltzaileek "gabezia larriak" dituztela
Egoitzako zuzendaritzak ukatu egin ditu akusazioak, lantaldearen "profesionaltasuna" defendatu du, eta ziurtatu du Bizkaiko Aldundiak ezarritako baldintza guztiak betetzen dituztela.
Bi pertsona zauritu dira Azkoitian, etxe batean izandako sutean
Trino Uria kalean piztu da sua eraikineko azken solairuan, asteleheneko ordu bata aldera. Bi lagun artatu dituzte lekuan bertan; zaurituetako batek erredurak ditu eta ospitalera eraman behar izan dute. Eraikin osoa hustu dute, eta sua kontrolpean duten arren, Azpeitia eta Eibarko suhiltzaileak lanean ari dira kalteak ahalik eta txikienak izan daitezen.
EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Gizon bat hil da eta lagun bat zauritu, Irungo soto batean izandako sutean
Zauritua helikopteroz eraman dute Gurutzetako Ospitalera. 13:45ean piztu da sua, Uranzu kalean, eta garrak itzaltzea lortu badute ere, suhiltzaileek hozte-lanetan jarraitzen dute.
Milaka bizipen ahaztezin, bost eguneko ibilbidean
Martxoaren 19an abiatu zen euskararen aldeko lasterketa Atharratzetik, eta, harrezkero, urratsez urrats, lurraldez lurralde, euskarari hauspoa ematen aritu dira milaka euskaltzale. Oraindik bidearen erdia ere ez du egin, baina dagoeneko irudi eta une zirraragariak utzi ditu Korrikaren 24. edizioak.
Euskadiko Erlijioen Kontseilua sortuko du Eusko Jaurlaritzak
Udaberrian jarriko du martxan Eusko Jaurlaritzak Euskadiko Erlijioen Kontseilua EAEko erlijio-aniztasuna kudeatzeko helburuz. Bizikidetza eta laikotasun kooperatiboa oinarri izango dituen ekintza plan batekin jaioko da.
Nafarroatik Gipuzkoara egin du jauzi Korrikak bere bosgarren gauean
Araban ikusi ditu lekukoak eguneko lehen eguzki printzak, eta bertan ibili da Korrika eguerdia iritsi bitartean. Egino eta Ziordia arteko bidea eginda, Nafarroa iparraldean barneratu da 13:00a aldera, Gipuzkoa helburu hartuta.