Michel Dominguez GALeko kide ohia atxilotu dute droga trafikoagatik
Michel Dominguez polizia inspektore ohia eta GALeko kide izandakoa atxilotu dute Bartzelonan ustezko droga trafikoan parte hartzea egotzita. Dominguezek hainbat urte igaro ditu kartzelan, eta ETAren kontrako 'gerra zikinaren' ordezkaririk ezagunenetarikoa izan da.
Ostiralean atxilotu zuten, Bartzelonan, Santseko geltokira heldu zenean. Berarekin batera, Kolonbiako hiritar bat zihoan, ustez kokaina entregatzeko.
Dominguez Madriletik zetorren AVE trenean ailegatu zen Kataluniako hiriburura. Atxilotu zutenean, ez zeraman drogarik ezta armarik ere.
Operazio berean beste zazpi pertsona atxilotu dituzte, kolonbiarrez eta espainolez osatutako talde kriminal batean parte hartzea egotzita. Atxiloketak Bartzelonan, Madrilen eta Valentzian izan dira.
Jose Amedorekin batera, ETAren kontrako 'gerra zikinaren' ordezkaririk ezagunena izan zen Dominguez. Sei hilketa saiakera eta talde kriminal baten parte izatea egotzita, 1991an 108 urteko espetxe zigorra ezarri zioten (1988tik, espetxean zegoen).
Ondoren, 1998an, Auzitegi Gorenak beste bi urte, lau hilabete eta egun bateko espetxe zigorra ezarri zion, Segundo Mareyren bahiketaren auziagatik.
Urte horretako amaieran, kondena pilaketa dela eta, erregimen irekia eman zioten, eta, 2000an, kaleratu egin zuten.
Behin behineko espetxealdia
Epaileak Dominguez espetxera bidali du fidantzarik gabe. Iturri judizialek jakitera eman dutenez, GALeko kide ohiak epailearen aurrean deklaratu du gaur.
Epaileak galdekatu eta bermerik gabe kartzelara bidali du.
Zure interesekoa izan daiteke
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.