Etxegabetzeen aurrean doako laguntza juridikoa izango dute Gipuzkoan
Gipuzkoako Foru Aldundiak eta Lurraldeko Abokatuen Elkargoak lankidetza hitzarmena sinatu dute astearte honetan, etxegabetzeei aurre egin behar dieten pertsonen ''eskubideak defendatzea bermatzen duen'' doako aholkularitza juridikoa eskaintzeko. Foru Aldundiak 60.000 euroko diru-laguntza eskainiko du horretarako.
Martin Garitano Gipuzkoako ahaldun nagusiak, Ander Rodriguez Gizarte Politikako diputatuak eta Lurdes Maiztegi Abokatuen Elkargoko dekanoak aurkeztu dute ekimena, prentsaurrekoan.
Maiztegik azpimarratu duenez, ''auzitan hasi baino lehen'' laguntza juridikoa eskaintzea du hitzarmenak helburu, eta Estatu mailan ildo horretan egindako aurrenekoa da. Abokatuen ordezkariaren hitzetan, orain arte ez da egon horrelako zerbitzurik, eta herritarrek arazoa gainean ikusten duenean ''judizialki defendatzea baino beste aukerarik ez dute izaten''. Orain, aurretiazko aholkularitza juridikoarekin, egoera horretara iristea ekidin nahi dutela azaldu dute.
Laguntza behar duten pertsonen identifikazioa eta hasierako harrera udal zerbitzu sozialen bitartez egingo dute. Hitzarmenaren aurkezpenean azaldu dutenez, ''laguntza juridiko integraleko zerbitzua da, Gipuzkoan bizi diren pertsonen eskubideak babesteko''. Ildo horretan, ''pertsona horiek bere etxebizitza bakarra galtzeko arriskuan eta gizarte bazterketaren mugan egon behar dute, diru erreklamazioen ondorioz, horien sorburuan hipoteka bidez bermatutako mailegua egon ala ez egon. Halaber, fede oneko zordunak izan behar dute".
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.