Opakuan eta Urkiolan kontuz ibiltzeko gomendioa eman dute, elurragatik
Goizean goiz Arabako eta Bizkaiko mendate batzuetan traba egin badu ere, elurrak ez du ia arazorik sortu eguerdian. Dena dela, Opakua (Araba) eta Urkiola (Bizkaia) mendateetan kontuz gidatzeko gomendioa eman du Eusko Jaurlaritzako Segurtasun Sailak, elurra egin baitu.
Nafarroan, berriz, Pirinioetan bakarrik daude arazoak. Hala, kateak behar dira NA-137 (Izaba-Frantzia) errepidean, 33. kilometrotik aurrera. NA-2011 (Espartza-Frantzia), NA-2012 (Otsagabia-Irati) eta NA-137 (55. kilometrotik) errepideak itxita daude, elurragatik.
Dena dela, Arabako Foru Aldundiak neguko bideragarritasun plana aktibatu du: elurra kentzeko zazpi makina eta 22 behargin daude lanean.
Iragarpena
Euskalmeten arabera, hodeitza handitzen joango da egunak aurrera egin ahala. Elur-kota 1.500 metrora igoko da arratsaldean. Izotzagatik ezarritako abisu horia bertan behera utzi du Segurtasun Sailak.
Biharko egunari dagokionez, berriz, beste abisu hori baten berri eman du: 4 metrorainoko olatuak egon daitezke, 18:00etatik hurrengo eguneko ordu berera arte.
Iragarpenaren arabera, bihar, asteazkena, euria egingo du, txikia bada ere. Tenperatura minimoek gora egingo dute eta maximoak bere horretan mantenduko dira.
Ostegunean eta ostiralean ere, prezipitazioak izango dira nagusi. Elur-kotak gora egingo du, eta 1.400 metroan kokatuko da.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.