Itsasoak euskal kostaldeari atsedenaldi txiki bat eman dio
Itsasoak euskal kostaldeari atsedenalditxo bat eman dio. Olatuak direla eta alerta laranja ezarrita zegoenez, kostaldean segurtasun neurriak areagotu dituzte; izan ere, asteburuko denboraleak portu asko txikituta utzi zituen. Kostaldeko udalerriak babesteko lanean presaka aritu dira azken orduotan, batez ere Bermeon. Horrela, blokeak jarri dituzte portuko morruan, baina Frantxunatzeta morru zaharraren atzean dauden arrantzaleen lonjak urak hartu ditu. Bloke gehienek itsasoaren enbatari eutsi diote, baina portua eta inguruak itxi egin behar izan dituzte.
Donostian, Salamanca pasealekuan, olatu batek telebistako kamerari bat zauritu du, DYAk eta lekukoek jakitera eman dutenez. 18:45 aldera biktima denboralea grabatzen ari zenean, olatu handi batek harri-lubeta gainditu du, Salamanca pasealekuan sartu da, eta zenbait lagun aurretik eraman ditu. Kamerariak besoan eta gerrialdean min hartu du. DYAko anbulantzia batek artatu eta Donostiako ospitalera eraman du. Kursaaleko zubia itxita egon dira gauerdira arte.
Zarautz eta Getaria lotzen dituen errepidea 18:00etan itxi dute.
Getxoko Udalak (Bizkaia) Ola jatetxetik Portu Zaharrera doan errepidea itxi du, eta Arriluzeko kaia eta Ereagako pasealekua ere itxi dituzte.
'0' egoera, bertan behera
Eusko Jaurlaritzako Segurtasun Sailak Babes Zibileko (LABI) '0' egoera bertan behera utzi du alerta laranjaren faserik okerrena pasatu eta gero, agiri batean jakitera eman duenez.
Nahiz eta olatuen abisuak gauerdian bukatu, itsasgora (21:00) pasatu eta gero larrialdi plana bertan behera uztea erabaki du Jaurlaritzak.
00:00etan abisu horia ezarriko dute, baina haize-boladengatik. 06:00etan alerta laranja ezarriko dute, eta 18:00etara arte iraungo du.
Larunbaterako beste denborale bat iragarri dute, baina gaurkoaren oso antzekoa izango da, adituen arabera.
Albiste gehiago gizartea
Bilboko Olabeaga auzoa berritzeko urrats erabakigarria: trena lurperatu eta 600 etxebizitza eraikiko dira
Bi hamarkada baino gehiagoko itxaronaldiaren ondoren, Olabeaga biziberritzeko proiektuaren tramitazioa bizkortu egingo da. Bilbao Ría 2000k urtea amaitu baino lehen onartuko ditu trenbide-trazadura integratzeko eta auzoaren hiri-antolamenduko lehiaketarako agiriak.
"Ez dugu behar, ez dugu nahi": Donostiako Gastronomy Open Ecosystem ekimenaren aurrean manifestatu dira herritarrak
Auzotar plataforma batek eta hainbat elkartek protesta egin dute Basque Culinary Centerren (BCC) egoitza berriaren eraikuntzaren aurka, Donostian, zientzia, berrikuntza eta ekintzailetza gastronomikoa batzen dituen GOe (Gastronomy Open Ecosystem) ekimen estrategikoaren inaugurazioan.
GMT 0, +1 edo +2: Zer ordu-eremu dagokio Euskal Herriari?
1884an gaur egunera arte heldu zaigun sistema ezarri zen: mundua 24 ordu-eremutan banandu zen. Espainiak zein Frantziak zegokien eremuan jarri zituzten erlojuak: GMT 0. Baina Gerra Zibilaren ondoren, bi estatuek GMT+1 ordu-eremua hartu zuten, Berlinekin bat egiteko, eta udan, gainera, beste ordubete aurreratzen dute.
Ofizialki inauguratu dute GOe eraikina, Basque Culinary Centerreko berrikuntza-laborategi berria
Gastronomiako adituak eta profesionalak izan dira gaur, astelehena, Basque Culinary Centerren egoitza berriaren inaugurazio ofizialean. Unibertsitate eta ikerketa zentro hori Donostiako Gros auzoan da.
Espainiako Gobernuak espedientea ireki dio jaialdien promotore bati praktika bidegabeak sustatzeagatik
Kontsumo Ministerioak adierazi duenez, jarduera horiek, hala nola jaialdietara janariarekin eta edariarekin sartzearen debekua egiaztatuz gero, milioi bat euro arteko isunak ekar ditzakete.
Eraso homofobo bat ikertzen ari dira Tuteran
Ikerketa herriko Udaltzaingoak hartu du bere gain. Erasotzailea identifikatu eta bilatzeko lanetan ari dira.
Behar bezala babestuta al daude Euskal Herriko museoak?
Euskal museoek ez dute lapurreta nabarmenik jasan azken urteotan, baina segurtasun-protokoloen eguneraketak etengabeak dira Parisko Louvre bezalako edozein gertakari saihesteko.
Irunen desagertutako 17 urteko neska baten bila ari dira
Ertzaintzak igandean ekin zion adingabearen bilaketari, salaketa jaso eta gero. Frantziako tokiren batean egon daitekeela susmatzen dute. Informazioa izan dezakeen oro eurekin harremanetan jartzeko eskatu dute.
Tolosako Ospitalea 2031n zabalduko dute, eta aurreikusten da urtean 3.600 ebakuntza egingo dituztela bertan
Osasun Sailak gaur goizean eman ditu ospitale berriari buruzko xehetasunak, eskualdeko alkate, zinegotzi, sindikatu eta auzo-plataformen aurrean egindako agerraldian. Arratsaldean, proiektua herritarren aurrean aurkeztuko da.
Laguntza eskatu dute Panticosan hildako mendizale nafarraren txakurra aurkitzeko
Larunbatean irten zen mendizale gaztea ibilbide bat egitera bere bi txakurrekin. Erreskate taldeek mendizalearen eta animalietako baten gorpuak aurkitu zituzten Neveras mendiaren magalean. Bigarren zakurraren arrastorik ez dago.