Infantaren deklarazioaren bost minutuko bideoa eskegi du 'El Mundo'k
El Mundo egunkariak Cristina infantaren deklarazioaren bost minutuko bideoa eskegi du bere web orrian. Bestalde, Jose Castro Noos auziko epaileak atzo egunkari horrek argitaratutako argazkia ikertzeko agindu du dagoeneko.
Bideoan, Castro epailearen aurrean infantak egindako deklarazioaren zati bat ikusten da. Cristinak epailearen galderak erantzuten dituen bitartean, kalean dauden protestak eta oihuak ere entzuten dira bertan.
Noos Institutuaren jardueraren inguruan galdetzen dion bitartean, pantaila batean dokumentuak eta posta elektronikoak erakutsi zizkion epaileak infantari, eta galderei ez erantzutea erabaki dezakeela gogoratu zion Juan Carlos I.a Espainiako erregearen alabari.
El Mundo egunkariak bere webean eskegitako bideo horretan, hainbatetan esaten du infantak galdetutakoa ez duela gogoratzen. Bideoa grabatu duen pertsonak kamera hainbat alditan mugitu eta ezkutatu egiten du.
Noos auziko epaileak esan du bideo hori areto barruan grabatu izana "kalifikaezina" izan dela.
Epaitegira iritsi denean, Castrok esan du bideoa nork grabatu zuen "susmatzen" duela, baina ezin duela gai horri buruz oraindik ezer esan.
Rocak atsekabea agertu du
Miquel Roca Cristina infantaren abokatuak, bestalde, atsekabea agertu du, Castro epailek debekatu arren ''norbaitek'' irudiak filtratu dituelako. ''Ez da sekretua errespetatu'', gaineratu du. Horren ildotik, ''mekanismoa hautsi' duenaren jarduera baloratzea epaileari dagokiola esan du.
Bestalde, infantaren deklarazioarekin ''oso lasai'' dagoela azpimarratu du, eta 'Noos auzia' ''inolako presiorik gabe'' argitzea espero duela ere esan du. ''Gure aldetik, behintzat, ez da halakorik egongo'', gaineratu du.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.