Infanta: 'Berarengan konfiantza nuen, eskatu zidan eta onartu nuen'
"Berarengan konfiantza nuen, iradoki egin zidan eta onartu egin nuen", adierazi zuen Cristina infantak Jose Castro Noos auziko epailearen aurrean inputatu gisa otsailaren 8an egin zuen deklarazioan.
Hala adierazi zuen Infanta Cristinak epailearen aurrean egindako deklarazioan, hedabideetara filtratutako transkripzioaren arabera.
Cristina infantak azaldu zuenez, haren senarra den Iñaki Urdangarinek elkarrekin enpresa bat eratzea proposatu zion euren lanbideetatik irabazten zuten dirua bideratzeko.
"Hortik aurrera nik ez dut zerikusirik izan, dena berak eraman du, nik ez dut ezertan esku hartu", erantzun zion Jose Castrori. Cristina infantak ustez iruzur fiskala egin eta dirua zuritu izanaren zantzuak zaudela argudiatuta, inputatu gisa deklaratzera deitu zuen Noos auziko epaileak.
Aizoon enpresaren jarduerari eta kudeaketari buruzko ezagutzarik ez zuela berretsi zuen, eta haren senarrarengan konfiantza osoa zuelako lagundu ziola proiektuan.
Bere izena Ogasunaren aurrean babesteko erabiltzea ez zukeela inoiz onartuko azaldu zuen: "Inoiz ez nukeen onartuko, inoiz ez". Izan ere, infanta Cristinari egin zizkioten galdera horietako batean haren izena Ogasunaren aurrean babesteko erabil zezaketela azpimarratu zuten.
"Ni haurren zaintzaz arduratzen nintzen eta, nire senarra, gastuez"
Juan Carlos I.a erregearen alabak hainbat galdera erantzun behar izan zituen 6 ordutik gorako iraupena izan zuen deklarazioan. Jesus Maria Silva haren abokatuaren galderen harira, senarrak eta berak eginkizunak banatuta zituztela azpimarratu zuen: "Ni arduratzen nintzen haurrez, horien zaintzaz eta horiekin zerikusia duen guztiaz eta nire senarrak zuen gastuen ardura".
Halaber, zerga, justizia eta ekonomia alorretan duen ezagutza "oso oinarrizkoa" dela adierazi zuen.
Caixan egiten duen lana ere hizpide izan zuen. Azaldu zuenez, "askotan" eta "orokorrean" aurrez irakurri gabe sinatu izan ditu dokumentuak. Aurrean zuen pertsona haren departamentuaren konfiantzazkoa bazen, irakurri gabe sinatzen zuela adierazi zuen. "Dokumentuak aurkezten dizkidan horrengan konfiantza badut, sinatu egiten ditut", gaineratu zuen.
Bestalde, Aizoon enpresako bileretako zenbait aktetan ikusi zituen sinadurak haren gizonarenak izatea ezbaian jarri zuen.
Justizia ministroak lekuko gisa deklaratzeko eskaera ukatu egin du Castro epaileak
Alberto Ruiz-Gallardon Espainiako Justizia ministroak Noos auzian lekuko gisa deklaratu zezan Diego Torresen abokatuak egindako eskaera baztertu du Jose Castro epaileak.
Auto batean azaldu duenez, aurrez ere Gallardon inputatzeko egindako eskaria atzera bota zuen. Gallardon Madrilgo alkate ohiak Madril 2016 Olinpiar Jokoetako hautagaitza bultzatzeko Noos institutua kontratatu zuen, baina Castro epailearentzat hori ez zen nahikoa deklaratzera deitzeko. "Geroztik ez dute hartutako erabakia aldatzeko datu berririk ekarri", azpimarratu du.
Albiste gehiago gizartea
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.