Hildakorik ez Aste Santuan EAEko errepideetan
Eusko Jaurlaritzako Segurtasun Saileko Trafiko Zuzendaritzak jakitera eman dituen datuen arabera, Aste Santuan ez da hildakorik izan EAEko errepideetan. Gainera, garai honetan ohikoa dena baino ibilgailu gehiago ibili da gure errepideetan.
Joan den urtean, ibilgailuen dentsitatea txikiagoa izan zen sasoi honetan, eta orduan ere ez zen hildakorik egon EAEko errepideetan.
Istripuen kopuruari dagokionez ere, datu hobeak izan dira aurten. 2013an 107 istripu gertatu ziren (23 istriputan biktimak izan ziren; gainerako 84etan, ez) eta 2014an 70 gertatu dira (21 istriputan biktimak izan dira; gainerako 49etan, ez).
'Bigarren urtez jarraian ez dugu hildakorik izan gure errepideetan', esan du Garbiñe Saez Molinuevo Trafiko zuzendariak. 'Gidari guztiek kotxea hartu dutenean erakutsi duten konpromisoa eskertu, eta urte osoan zehar errepidean arreta jartzen jarraitzeko eskatu nahi dugu', gaineratu du.
2013ko Aste Santuko datuekin alderatuta, EAEko errepideetan trafiko gehiago egon da aurten. Biriatun hazi da gehien trafikoa. Lehen datuen arabera, ibilgailuen kopurua % 16,72 hazi da bertan, iazko datuekin alderatuta. Gainera, bertan sortu dira ilara luzeenak; 13 kilometroko ilarak izan ziren apirilaren 17an.
Armiñongo korapiloan eta A-8an, Kantabriara norabidean, ere izan da trafiko igoera handia. Armiñongo korapiloan ilarak ez ziren luzeak izan, baina A-8an Kantabriara norabidean trafiko motela egon zen eta 6 kilometroko ilarak egon ziren asteazkenean, Muskiz inguruan jasotako istripu baten ondorioz.
Itzulera operazioan, ez da ilara handirik sortu. Euriaren eraginez, Irunerako bidean, A-1 errepidean, eta Kantabriako mugan, trafiko motela egon zen, baina ez zen nabarmentzeko ezer gertatu.
Arazo larririk gabe Nafarroan
Aste Santuan Nafarroan martxan jarritako irteera eta itzulera operazioetan ere ez da gertakari larririk izan. Azken datuak aztertzen ari dira eta ondorioen zain daude oraindik, baina hiru istripu artatu dituzte egun horietan. Ez da istripu larririk izan (ez da inor hil), eta bi pertsona bakarrik zauritu dira.
Zure interesekoa izan daiteke
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.
Gizon bat atxilotu dute Gasteizen, emakume bat jotzea leporatuta
Agenteek ostegun goizean jaso zuten abisua. Etxean emakumea aurkitu zuten, kolpatu izanaren zantzuekin, eta 48 urteko gizona, eskuak odoletan zituela. Atxilotu egin zuten, lesio-delitu bat egotzita.
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.
Ikerketek genero-indarkeriako testuinguru batean kokatzen dute Fuenmayorgo parrizidioa
Familiako genero-indarkaria gertakari batean, 19 urteko gazte batek ustez bere aita hil zuen arma zuri batekin, abenduaren 31ko arratsaldean. Alarguna VioGén sisteman (Genero Indarkeria Kasuen Jarraipen Integralerako Sistema) agertu zen 2012an.
Magia, karrozak eta gozokiak: honelakoak izango dira Errege Magoen kabalgatak Bilbon, Gasteizen, Donostian eta Iruñean
Meltxor, Gaspar eta Baltasar (ia) prest daude kale nagusiak zeharkatzeko, berariaz prestatutako argi eta kolore ikuskizunekin lagunduta ibilbide osoan zehar.
Bi atxilotu Andoainen lapurtzera sartu ziren etxe bateko jabea itotzen saiatzeagatik
Bi biktimak esnatu egin ziren etxeko atea behin eta berriz jotzen ari zirela ikustean, eta atea irekitzean, beltzez jantzitako ezezagun bat gainera etorri zitzaien.
Gasteizko Udalak 8 orduko TAO tarifa berria ezarriko du gaurtik aurrera
Tiket berria 2. Eremuari aplikatuko zaio, eta zortzi euroan 10:00etatik 20:00etara aparkatzeko aukera emango du, ohiko etenaldiarekin, arratsaldeko ordu bietatik lauetara (TAOrik gabeko tartea).