Espainiako poliziak bidaliko dituzte Hodei Egiluzen bila, Belgikara
Jorge Fernandez Diaz Espainiako Barne ministroak Espainiako poliziak bidaliko ditu Belgikara Hodei Egiluz gazte bizkaitarra bilatzeko lanetan laguntzeko. Polizia judizialak bidaliko omen dituzte bertara, ikerketan parte har dezaten.
Fernandez Diaz ordu erdiz bildu da Galdakaoko gaztearen gurasoekin, Gasteizen. Borja Lazaro gasteiztarraren amarekin eta anaiarekin ere elkartu da. Azken hori Kolonbian galdu zen, martxoan.
Bileren ondoren, Barne ministroak esan du "oso gertu" sentitzen dituela bi familiak, eta "gutxienekoa egoera mingarri horretan laguntzea" dela. Hori horrela, bi kasuak "gertutik" jarraituko dituela, eta "ikerketak aurrera egin dezan beharrezko baliabide guztiak" jarriko dituela hitzeman du.
Hodei Egiluzen kasuan, Espainiako Polizia Judizialeko bi agente bertaratuko dira Anberesen, "ahal duten heinean ikerketan laguntzeko".
"Badakigu Belgikako Polizia etengabe ari dela lanean Anberesen, baina beste lau begirekin gehiago ikusiko dute, eta Espainiako polizia adituak baliagarriak izan daitezke", gaineratu du.
Anberesera abiatu aurretik, poliziak Egiluzen gurasoekin bilduko dira, harreman "zuzenagoa" izate aldera.
Bestalde, gaur bete da urtebete Hodei Egiluz Anberesen galdu zenetik, eta gaur egin dute azkeneko aldiz elkarretaratzea Galdakaon.
Borja Lazaro
Borja Lazaroren kasuari dagokionez, Barne ministroak aitortu du azkeneko aldiz ikusi zuten ingurua "oso zaila" dela eta, ikertzen ari diren arren, "informazio gabezia" dagoela. Hori dela eta, Espainiako eta Kolonbiako polizien artean "komunikazio kanala" irekiko dutela aurreratu du.
Ertzaintzak kasu honetan egindako esfortzua eskertu ostean, Estatuko Segurtasun Idazkaritzako goi kargudun bat Cartagena de Indiasera joan behar dela jakinarazi du, Espainiaren enbaxadarekin, bertako Barne Ministerioko arduradunekin eta Venezuelako agintariekin harremanetan jartzeko.
"Ahal dugun guztia egingo dugu ikerketak indartzeko eta datuak familiari emateko, informazioa izan dezan", azaldu du ministroak.
Sergio Lazaro galdutako gaztearen anaiak eskerrak eman dizkio ministroari erakutsitako interesagatik, eta kasua argitzeko "ahal duen guztia" egiteko hartu duen konpromisoagatik.
Ministroa, Borja Lazaroren anaiarekin eta amarekin. Argazkia: EiTB
Zure interesekoa izan daiteke
Bizkaiko bizilagun bat hil da eta zazpi senide zauritu, Biescasen izandako istripu batean
Istripua 14:15ak aldera gertatu da, N-260a errepidean. Familiako batzuk zihoazen auto batek aurrez aurre jo du kontrako noranzkoan zihoan beste batekin, eta atzetik zihoazen beste familiako kide batzuen autoak lehenengoaren aurka talka egin du.
Horrela grabatu dute segurtasun kamerek Arabako lurrikara
Arabako errepideetako segurtasun kamerek grabatu dute bart gaueko lurrikararen unea. Lurrikara laburra izan den arren, bibrazioa ikus daiteke horietako batzuetan.
Gizon bat atxilotu dute Gernikan, bikotekide ohia jipoitu, aizkora batekin mehatxatu eta ordu luzez atxikitzeagatik
50 urteko gizonak urruntze agindua zuen indarrean, pertsona beraren aurkako tratu txarren beste kasu batengatik. Erasotzailea espetxeratzeko agindua eman du udalerriko Guardiako Epaitegiak.
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.