Amiantoaren biktimek helegiterik ez jartzea eskatu diete enpresei
Amiantoaren biktimen euskal elkarteak (Asviamie) gizarte arloko epaitegiek ezarritako isunen aurka helegite gehiagorik ez jartzea eskatu die enpresei.
Asviamiek agiri batean egin du eskakizuna, EAEko Auzitegi Nagusiak aipatu helegite horietako bat errefusatu eta gero. Hain zuzen ere, Ercros konpainiak Donostiako Gizarte arloko 4. epaitegiak publikatutako epai baten aurka aurkeztutako helegitea errefusatu du.
Donostiako epaitegiak 2012. urtean hildako emakumezko baten sendiari 92.882 euroko kalte-ordainak ematera zigortu zuen Ercros konpainia. Emakumezkoak Errenteriako lantegian egin zuen lan 1960. urtetik 1966. urtera, plastikozko piezak aztertzen eta lixatzen. Pieza horiek amiantoa zuten, eta biktimak "inolako babesik gabe" maneiatzen zituen.
2010. urtean, minbizia atzeman zioten, eta, handik eta urtebetera, Gizarte Segurantzak lanerako ezintasun iraunkorra aitortu zion. 2012an, hil egin zen.
Asviamieren esanetan, Escrosek ez zuen ukatu emakumeak amiantoarekin egiten zuela lan, ezta babes araudiak "erabat" urratu zituela ere, baina biktimaren aitak ere minbizia izan zuela eta, hortaz, emakumearen gaixotasunaren kausa genetikoa izan zitekeela argudiatzen saiatu zen helegitean.
EAEko Auzitegi Nagusiak errefusatu egin zuen helegitea, eta Donostiako epaitegiaren epaia baieztatu zuen.
Amiantoaren biktimen elkartea "pozik" agertu da erabaki horrekin, eta enpresen "helegite zentzugabeek" sendien mina "areagotu" egiten dutela salatu du.
Hori dela eta, helegite gehiagorik ez jartzea eskatu die enpresei eta patronalari, eta biktimei kalte-ordainak emateko funts bat sortzea Eusko Jaurlaritzari.
Zure interesekoa izan daiteke
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.