Jaurlaritzak dio 2016an martxan egongo dela Altzako tren geltokia
Donostialdeko Metroaren Altzako geltokiaren lanak "oso martxa onean" omen doaz, eta 2016ko bigarren seihilekotik aurrera zerbitzua emango die Donostiako auzo horretako 15.000 herritarri, Eusko Jaurlaritzaren arabera.
Horixe adierazi du behintzat Ana Oregi Ingurugiro eta Lurralde Politikako sailburuak, Iñigo Urkullu lehendakariarekin batera geltoki berrira egindako bisitan. Herrera eta Altza lotzen dituen tarteko lanei dagokien zatia egiteko 35 milioi euroko inbertsioa egin dute. Nora Galparsoro Donostiako Udaleko Azpiegitura eta Zerbitzu zinegotziak eta udal taldeko beste kide batzuk ere izan dira bisitan, Eusko Treneko eta Eusko Trenbide Sareko zuzendariekin.
Geltoki berria hartuko duen zulora iristeko 600 metroko tunela igaro behar izan dute. Guztia hormigoiarekin indartua dago, eta nasak eta gela teknikoak egiteke daude.
Oregik esan du egungo martxarekin jarraituz gero, lanak datorren urteko erdialdetik aurrera amaituko direla. Bestalde, Loiola-Herrera, Fanderia-Oiartzun eta Lasarte Oria-Añorga-Errekalde zatiak hobetzeko lanak ere egin dituztela gogorarazi du.
Eusko Jaurlaritzak azaldu duenez, "Galtzabordarako loturan ere lan egiten ari gara", Pasai Antxotik pasatuta, eta bi geltoki aurreikusten dituzte bertan, baina Oregik ezin ditu epeak "aurreratu" nahi izan.
Hiriguneko lur-azpitik igaroko den zatiari dagokionez, unibertsitate inguruari eta Benta Berriri emango lioke zerbitzua, eta Jaurlaritza lanak "aztertzen eta baimenak eskuratzen" ari omen da.
Era berean, EAEko gobernua "erakundeen arteko hitzarmenak" lortzen saiatzen ari omen da, eta "Udalak eta Aldundiak eman dituzten pauso guztiak jarraitzen ditu".
Donostiako erdigunetik lur-azpian joango den zatiari dagokionez, Oregi sailburuak esan du Jaurlaritzak 2020. urtea duela buruan.
Albiste gehiago gizartea
Behin-behineko espetxealdia 71 urteko gizon batentzat, neska adingabe bati sexu-erasoa egiteagatik
Uztailaren 1ean, adingabe batek Ertzaintzan jarritako salaketa baten ondorioz, jakin zen 2024. urtearen amaieratik salatzailea adineko gizon batekin sexu-harremanak izatera behartu zuela hirugarren batek, diru-truke.
Luizi handi batek Panticosako (Huesca) bainuetxera doan errepidea moztu du
A-2606 errepidea itxi duen luizi handia ostegunean gertatu da, ekaitz gogor baten ondorioz. 300 pertsona inguru harrapatuta geratu dira Panticosako bainuetxean. Agintariak lanean ari dira asteburu honetan bertan errepidea ireki ahal izateko.
Hil egin da Arrasaten sute batean zauritutako gizona
Sutea ostegunean jazo zen, etxebizitza-bloke bateko sotoetan. 41 urteko gizonezkoa Gurutzetako Ospitalean hil da.
Renfe programa más de 8000 circulaciones de autobuses del 25 de julio al 21 de septiembre en Gipuzkoa por obras
En un comunicado, Renfe ha indicado que estos trabajos obligan a la interrupción del servicio ferroviario entre el 25 de julio y el 21 de septiembre en determinados tramos del servicio de Cercanías y los trayectos de Media y Larga Distancia.
Iruñea goitik behera prestatzen ari da igandean lehertuko den festa hartzeko
Bisitariak iritsi eta iritsi ari direlarik, lanean jo eta su ari dira hiritar asko eta asko, festan murgiltzerako dena prest egon dadin. Ostalariak, dendariak, ostatuetako langileak, segurtasun langileak, Udal-brigadak... Izan ere, ez da ezer falta jaia lehertzeko.
Uztailaren 7ko entzierroa, zuzenean
Uztailaren 7ko entzierroa, zuzenean Orainen, 7: 45etatik aurrera.
Aurten ere, sexu-erasoei aurre egiteko informazio gunea, jaiaren erdigunean: Gazteluko plaza
Uztailaren 5etik 14ra arte egongo da martxan, 11:30etik 15:00etara eta 18:00etatik gauerdira arte. Sexu-erasoaren aurrean informazio, sentsibilizazio eta prebentzio gunea da, baita entzute aktiborako eta erasoak salatzeko erreferentzia tokia.
Nafarroak 118 adingabe migratzaile gehiago hartu beharko ditu, eta EAEk ez du bat bera ere jaso beharko
Gazteria eta Haurtzaro Ministerioak Kanariar Uharteetara iritsi diren eta inoren kargura ez dauden adingabeak banatzeko taulak aurkeztu ditu gaur. Kataluniak ere ez du bat bera ere hartu beharko, Euskal Autonomia Erkidegoak bezala orain arte egin duen aldez aurreko harrera-ahaleginagatik.
Iruñeko dendak eta esekitokiak zuriz eta gorriz tindatu dira egunotan
Txupinazoak sanferminei hasiera emateko ordu gutxi falta direnean, iruindar asko dendaz denda dabiltza azken gauzak erosten. Beste askok egun hauetako beroa aprobetxatu dute arropa garbitu eta lehortzeko.
Txupinazoa, entzierroak eta askoz gehiago, hamar egunez, edukiz betetako EITBren programazio berezian
San Fermin jaiak abiapuntu hartuta, programa berriak, jaiekin eta kulturarekin lotutako emanaldiak eta kirol eskaintza zabala izango ditugu uda honetan ETBn. Iazko arrakastaren ondotik, EITBk zuzenean eskainiko ditu Faltzesko entzierroak.