Iñigo Cabacas hil zuen tiroaren ustezko egilea identifikatu dute
Iñigo Cabacas Athleticeko jarraitzailea, 2012ko apirilean, Bilbon, hil zuen tiroaren ustezko egilea identifikatu dutela adierazi du Jone Goirizelaia abokatuak. Talde zuri-gorriak eta Schalke O4 Alemaniako taldeak jokatutako norgehiagoka amaitu eta gero gertatu zen hilketa. Gainera, azkenean Ugarteko ertzaina, lekuko gisa bada ere, deklaratzera deitzea espero du Goirizelaiak. Dispositiboa koordinatu zuen ertzainak.
?Iñigo Gogoan? plataformak eta Cabacasen lagunek prentsaurrekoa eman eta gero, adierazpenak egin ditu Goirizelaiak kazetarien aurrean. Apirilaren 11n ekitaldia egingo dute Maria Diaz de Haro kalean, Ertzaintzak karga egin zuen tokian.
Gainera, jarraitzaile zuri-gorriari eta Aitor Zabaletari apirilaren 29an, San Mamesen, omenaldia egiteko eskatu diote Athletici. Zabaleta Vicente Calderon futbol-zelaiaren inguruetan hil zuten 1998an. Realak eta Athleticek jokatu beharreko euskal derbia aprobetxatu nahi dute omenaldia egiteko.
Bilboko epaitegi bat egiten ari den ikerketa hizpide izan du Cabacasen familiako abokatuak. Hiru urte geroago, gomazko pilotekin egindako tiroen ustezko egileetako bat identifikatu dutela azaldu du Goirizelaiak.
?Tiro egin zuela onartu zuen pertsonetako bat bertan zegoela egiaztatu dute adituek egindako frogek; tiro egin zuten distantziaren eta perimetroaren barruan?, esan du abokatuak.
Goirizelaiaren hitzetan, ?datu oso interesgarria eta garrantzitsua da ikerketari begira, eta prozedura aldatzeko eta ahozko epaiketa hastea eskatzeko orduan?, ikerketan aurrera egiteko eta tiroaren ?egilea? zehazteko.
Ugarteko
Ugarteko ezizeneko ertzaina, lekuko gisa bada ere, azkenean deklaratzera deitzea espero du Jone Goirizelaiak. Ugarteko-k dispositiboa zuzendu zuen Deustuko polizia-etxetik, abokatuak ziurtatu duenez.
Polizia operazioan parte hartu zuten agintariek inputatu gisa deklaratu beharko luketela uste du Goirizelaiak, ?euren eskubideak bermaturik izateko eta prozeduran nahi bezala ekin ahal izateko?.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".