Italia eta Malta beste 450 etorkin erreskatatzeko lanean ari dira
Matteo Renzi Italiako lehen ministroak gaur azaldu duenez, Italia eta Malta 450 bat pertsona daramatzaten beste bi ontzi erreskatatzeko lanean ari dira. Azken egunetako etorkin uholdearen aurrean “krisi humanitarioa” bizitzen ari direla salatu du Renzik.
Renzi Joseph Muscat Maltako homologoarekin bildu da asteburuko tragedia aztertzeko. Italiako lehen ministroak zehaztu duenez, laguntza eskatu duten etorkinen ontzien kopuruak gora egin du eta beste bi ontzi erreskatatzeko lanean ari dira orain.
Horietako bat Libiatik 30 bat miliara dago eta 100-150 pertsona daramatzan ontzi puzgarri bat da. Bestea ontzi handiagoa izango litzateke, 300 bat pertsona daramatzalako.
Bestalde, bizirik atera diren pertsonen informazioak baieztatzen baldin badira, igandean Libiatik gertu hondoratu zen arrantza-ontziak 900 bat pertsona zeramatzan, Muscatek azaldu duenez.
Ontzi bat hondartu egin da Rodasen (Grezia) eta hiru lagun hil dira
Gainera, gutxienez hiru pertsona hil dira Rodas uhartearen (Grezia) kostaldean. Ontzi batek etorkin ugari zeramatzan eta hondartu egin da Dodecanesoko artxipelagoan.
Kostazainen bozeramaile batek azaldu duenez, orain arte hiru pertsonaren heriotza baieztatu dute (emakume bat, gizon bat eta ume bat). 90 lagun erreskatatu dituzte, horietatik 57 polizia-etxeetara eraman dituzte, eta beste 23 ospitalera.
Egurrezko ontziak hondoa jo du harkaitzetan, Sefiroseko hondartzatik hurbil, eta gutxi geroago urperatu da.
Etorkin askok uretara salto egin dute eta hondartzan zeuden herritarren laguntzarekin salbatu dira.
Zure interesekoa izan daiteke
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.