LHko 3. mailako azterketa egiten hasi da Hezkuntza Saila
Euskal Autonomia Erkidegoko 30 ikastetxeetan Lehen Hezkuntzako 3. mailako ikasleei ebaluazio azterketa egiten hasi da asteon Eusko Jaurlaritzako Hezkuntza Saila, Cristina Uriarte sailburuak baieztatu duenez.
Espainiako Gobernuak egindako Hezkuntza erreformak (Hezkuntzaren Kalitatea Hobetzeko Lege Organikoa, gaztelerazko sigletan, LOMCE) ezarritako errebaliden ordezko azterketa proba gisa egingo du Jaurlaritzak EAEko 30 eskolatan. Azterketok ez dute eragin akademikorik eta ikastetxe bakoitzak modu autonomoan egingo ditu. Hezkuntza Sailak ez du zehaztu zenbat eskolatan egin duten azterketa, ezta horien izenak ere. Nafarroan hilabete hasieran ekin zieten errebalidak egiteari.
"Bai, hasi gara zentroekin harremanetan jartzen eta probak antolatzen. Prozesu luzea denik ez dut esango, baina ez da egun batetik bestera egiten. Aste honetan hasi gara jada", adierazi du Uriartek.
Azterketok guraso elkarteen eta hezkuntza alorreko sindikatuen haserrea eragin dute. Biek ala biek "inposaketatzat" jo dituzte ebaluazioak eta "planto" egiteko deia egin dute. Egunotan elkarretaratzeak deitu dituzte ikastetxe batzuetako atarietan.
Zabalgana ikastetxeko gurasoek planto egin dute
Zabalganako (Gasteiz) ikastetxearen gurasoek Lehen Hezkuntzako hirugarren mailako azterketa egiteko baimenik ez dute eman. Hirugarren mailako 64 ikasleetatik 56k ez dute gurasoen baimenik LOMCEren froga egiteko.
Hezkuntza Sailak 30 zentro aukeratu behar ditu lehen azterketak egiteko. Horregatik, 56 familiek seme-alabei froga egiteko baimenik ematen ez dietela iragarri dute gaur.
ELA sindikatuak ohar batean salatu duenez, "lotsagarria eta onartezina da" gai honen inguruan Jaurlaritza izaten ari den "iluntasuna eta informazio eza".
Sindikatuaren hitzetan, azterketa hauek "LOMCEren ezarpenean beste pauso bat dira eta jarraian inposatu nahi diren bigarren hezkuntzako eta batxilergoko errebaliden aurrerapena besterik ez dira".
Hala, "familia, langile eta herritarren eskaerari kasu egin" eta azterketa hauek bertan behera uzteko eskatu dio ELAk Uriarteri.
"Inongo sekretismorik gabe", Uriarteren aburuz
Cristina Uriarte Hezkuntza sailburuak ukatu egin ditu salaketok eta "lasaitasunerako" deia egin du.
Azaldu duenez, ebaluazio azterketa guztiak ikastetxeekin lantzen dira. "Gobernuak zentroekin lan egiten du. PISA probak aste honetan bukatuko ditugu eta laugarren mailako ebaluazio diagnostikoak ere egin ditugu eta ez dugu inon argitaratu. Kasu honetan ere, gauza bera egin dugu. Beraz, inongo sekretismo gabe jardun dugu, ez dugulako egiten dugun guztia publikoki jakinarazten", argudiatu du sailburuak.
Albiste gehiago gizartea
Izena emana zuten zazpi jokalari israeldarrek baja eman dute Sestaoko Xake Txapelketatik
Asteon jakin da horietako hiruk ez zutela parte hartuko, eta ostiral goizeko lehen orduan Sestaoko Xake Klubeko antolatzaileek baieztatu ez dela Israelgo jokalaririk izango Las Llanaseko pilotalekuan egingo den txapelketan.
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Beatriz Artolazabal Gasteizko zinegotziak salatu duenez, ostegun goizean irainak eta sinbolo iraingarriak zituzten panfletoak bota dituzte bere etxe aurrean, Enviserreko langileen grebaren baitan.
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Sestaoko Xake Klubak, Israelek Gazan "giza eskubideen urraketa sistematikoa" gaitzesteko, joan den astean Israelgo xakelariak gonbidatu zituen txapelketan ez parte hartzera eta, hala eginez gero, FIDEren (Nazioarteko Xake Federazioa) banderapean jokatzera, izan ere, 'open' kategoria denez, antolatzaileek ezin diete lizentzia duten jokalariei parte hartzea galarazi.
Bonolotoak ia bi milioi euroko saria utzi du Zarautzen
Zarauzko Xoxoa tabernan baliozkotutako txartel bati 1.972.129 euroko saria eman diote Bonolotoaren zozketan.
Ingurumen Fiskaltzak salaketa jarri du Bilboko portuan hondakin kutsagarriak isurtzeagatik
2024ko azaroan, zisterna-kamioi batetik 3.000 eta 5.000 litro artean isuri zituzten hainbat pertsona harrapatu zituen Guardia Zibilak
Joxerramon Bengoetxea: "Protesta egiteko forma batzuk guztiz lekuz kanpo daude"
2025-2026 ikasturtearen inaugurazio ekitaldian izandako istiluei buruz galdetuta, Joxerramon Bengoetxea EHUko errektoreak adierazi du ekitaldian parte hartu zuten batzuek jasotako irainak "deitoragarriak" direla. "Gure unibertsitateak Gazarekiko prestatu zuen elkartasun mezuari zapuztu zuten", gaineratu du Bengoetxeak.
Zazpi pertsona zauritu dira Sestaon lotan zeuden pabilioian piztutako sutean kea arnastuta
Sua gaur goizaldeko seiak aldera hasi da, Galindoko Padurak kaleko nabe batean. Pabiloi horretan lo egiten zuten zazpi pertsona artatu dituzte kea arnasteagatik, eta, azkenean, San Eloy eta Gurutzetako ospitaleetara eraman dituzte.