Segurtasun sailburuak dio atxilotutako ertzaina jardunean zegoela
Estefania Beltran de Heredia Eusko Jaurlaritzako Segurtasun sailburuak azaldu duenez, ostegun honetan Leitzan atxilotutako ertzaina jardunean zegoen, eta ''ez zuen inolako mugarik bere lanbidean jarduteko''. Ustez kamioilari bat tiroz hiltzeagatik atxilotu zuten agentea atzo, eta Iruñeko Polizia-etxean dago. Sailburuak ostiral honetan azpimarratu duenez, ''banakako'' kasua izan da, eta ez dator bat ''polizia jardunarekin''.
Iurretan egin ditu adierazpenak Beltran De Herediak, Ertzaintzaren Zaintze eta Erreskate Unitatearen egoitzari egindako bisitan. Bertan, sailburuak nabarmendu du Jaurlaritza elkarlanean ari dela Foru Poliziarekin ikerketa aurrera eramateko, eta babesa eskaini die kamioilariaren eta ertzaintzaren familiei.
Beltran de Herediak gogoratu du Ertzaintzak sarbide-probak egiten dizkiela bere agente guztiei, eta ''pertsona jardunean baldin bada proba hori gainditu duelako da''. Honi lotuta, baina, aitortu egin du ondoren ez dagoela kontrolik, ezta ''aldizka gainditu beharreko test psikologikorik''. Edonola ere, Beltran de Herediak azaldu du ''agenteren batek arazoren bat baldin badu'' osasun zerbitzuak eskura daudela, ''neurriak hartzeko''.
''Pertsona hau jardunean zegoen, eta bere lanbidean inolako murrizketarik gabe aritzeko baimendua'', azaldu du; halaber, sailburuak gaineratu du ''zerbitzu murriztuetan'' ari zela, ''gaixotasun fisiko batek eragindako arazoengatik''.
''Hipotesirik gabe''
Tiro egiteko arrazoien inguruan oraindik hipotesirik ez dagoela adierazi du, eta ''banakako kasua'' dela, ''espazio pribatuari'' dagokiona eta ez datorren bat ''polizia jarduerarekin''.
Horrez gain, nabarmendu du erabilitako arma ez zela ''arauzko arma'', baizik eta arma partikularra. ''Dakigunaren arabera, araudia betetzen zuen'', gaineratu du.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.