Hungariak ez du baztertzen Armada erabiltzea mugen kontrolerako
Hungariako Gobernua Armada erabiltzea aztertzen ari da, hegoaldeko mugan "segurtasuna bermatzeko", Zoltan Kovacs Gobernuaren bozeramaleetako batek esan duenez.
"Gobernuak eta segurtasun nazionaleko lantaldeak eztabaida izan dute, Hungariaren eta EBaren muga nola babestu lezaketen erabakitzeko", esan du Kovacs. Halere, edozein erabaki hartuta ere, Parlamentuak onartu beharko du.
Bigarren Mundu Gerratik Europan izan den errefuxiatu krisirik nagusienak irudi tristeak eskaini ditu ekialdeko herrialdeetan; milaka eta milaka pertsonak bizitza arriskuan jartzen dute hainbat muga zeharkatzen, kontinenteko erdigunera eta iparraldera heltzeko helburuarekin.
2.106 polizia gehiago
Hungariako Poliziak iragarri duenez, irailaren 15ean segurtasun indarrak indartuko dituela, Serbia eta Hungariako mugaldean, errefuxiatuen etorrera arintzeko helburuarekin.
Ohar baten bidez zabaldu duenaren arabera, 2.106 agente bidaliko dituzte gune horretara, eta bertan helikopteroen eta zakur polizien laguntza izango dute.
Gas negar-eragileak
Hungariako Poliziak gas negar-eragileak erabili ditu etorkinen harrera eta erregistro zentro batean, Röszke hegoaldeko herrian, Serbiako mugatik gertu eta oraindik argitzeke dauden arrazoiengatik, hirtv hedabideak zabaldu duenez.
Telebista kate pribatuak zuzeneko emanaldi bat emititzen ari zen eta, bat-batean, dozenaka polizia ikusi ahal izan dira 200 bat errefuxiatuk osatutako talde bat inguratzen zutela, etorkinak protestaka eta oihuka zeuden bitartean.
Tokiko hedabideetan, baina, bertsio kontrajarriak plazaratu dituzte, errefuxiatuen protesten inguruan.
Hirtv-ren arabera, liskarrak hasi dira ez dietelako utzi prentsarekin hitz egiten, baina index web guneak esan du anabasa etorkinek eragin dutela, ez dietelako poliziei hatz aztarnak jasotzea utzi.
Origo beste web gune baten esanetan, etorkinek zentrotik alde egin nahi izan dutela, Alemaniak iragarri ostean Siriatik etorritako errefuxiatuak hartuko dituela.
Edonola ere, erregistro-zentroak 1.000 lagunentzako lekua dauka eta, origoren arabera, gaur egun bikoitza baino gehiago dago. Bertan 24 ordu igaro behar dituzte harrera-zentroa esleitu bitartean.
2.533 lagun egun batean
Hungariako indarrek 2.533 lagun atzeman zituzten atzo; horietatik 555 adingabeak, Serbiatik modu ilegalean sartzeagatik. Atzo inoiz baino pertsona gehiago atzeman zuten, egun batean, Poliziak zabaldu duenez.
Atzemandako pertsona gehienak Siriatik, Afganistandik eta Pakistandik datoz.
Gaurtik aurrera, espero dute 7.000 bat lagun heltzea Hungariako mugaldera, asteburuan Mazedoniatik Serbiara igaro baitziren.
Heriotza gehiago Mediterraneoan
50 bat hilotz berreskuratu dituzte itsasontzi batean, Libiako kostaldetik gertu, zailtasunak zituztela laguntzera abiatu eta gero. Ontzian beste 400 bat etorkin zihoazen.
Hala adierazi dute Italiako Kostazainek eta, gaineratu dutenez, erreskate taldeak Poseidon Suediako itsasontziari esker egin izan da.
Albiste gehiago gizartea
Gizon bat atxilotu dute Donostian barbakoa batean sartu eta bertan zegoen pertsona bati bularrean labankada bat emateagatik
Gertakaria astelehen arratsaldeko zortziak aldera izan zen, Gipuzkoako hiriburuko Bidebieta auzoan.
Muturreko tenperaturei aurre egiteko aholku sorta
Azken egunetan pilatutako beroak eta aste amaierara arte aurreikusitakoak, nahitaez prebentzio-neurriak areagotzea eskatzen duela ohartarazi du Eusko Jaurlaritzak, eta horretarako gomendio batzuk argitaratu ditu:
Zarrakazteluko suteak 220 hektarea erre ditu, Nafarroako Gobernuaren arabera
Suhiltzaileek atzo arratsaldean lortu zuten sutea egonkortzea eta inguratzea, eta goizean zehar ingurua freskatzeko aritu dira, baina oraindik ez dago guztiz itzalita. Suhiltzaileak kezkatuta daude arratsaldeko haize aldaketak, eta muturreko tenperaturek, sugarrak berriro piztuko ote dituen.
500 jarduera baino gehiago Bilboko Aste Nagusian, "adin eta gustu guztietan pentsatutako" programarekin
Bilboko Udalak zuzeneko musika emanaldiak, kaleko antzerkiko 23 ikuskizunak eta piroteknia lehiaketa goraipatu ditu.
Dolu eguna Erriberagoitian, Vilorian gizon bat indarkeriaz hil eta gero
Udalak elkarretaratzea deitu du gaurko, 20:00etan, hilketa gaitzesteko; Ertzaintzak ikerketa zabalik du.
Lagako hondartza hustu dute, uretatik atera duten 25 urteko emakume bat helikopteroz ospitalera eramateko
Gertakaria 19:00ak aldera izan da, Lagako hondartzako sorosleek uretan arazoak zituen 25 urteko gazte bat ikusi dutenean. Erreskatatu ostean, bihotz-biriketako bizkortze-maniobrak egin dizkiote. Bertaratutako osasun-langileek suspertze-maniobrekin jarraitu dute, ospitalera eramateko helikoptero bat iritsi den bitartean.
Zarrakazteluko sutea inguratzeko lanean jarraitzen dute suhiltzaileek
Larunbat gauean Nafarroako Zarrakaztelu herriko baso-paraje batean piztutako sutea ez dago oraindik inguraturik. Suhiltzaileek lurretik eta airetik lanean jarraitzen dute gauean aireko baliabideak alde egin aurretik.
Bi pertsona atxilotu dituzte Getxon gizon bat sastatzeagatik
Erasoa gaur arratsaldean gertatu da, 14:20 aldera, Getxoko Algorta auzoan.
Iruñeko mendizale bat hil da Russell tontorrean, Aragoiko Pirinioetan
26 urteko gaztea Posets-Maladeta Parke Nazionalean aurkitu zuen GREIMek, lur malkartsuan erori ondoren.
Bero handiak ez ditu kikildu ehunka pirata Donostian
17:00etan 225 ontzitan zihoazen 1000 pirata inguru Donostiako portutik abiatu dira Kontxako hondartzara bidean. Beroa gorabehera, giro ona nagusitu da zeharkaldian zehar.