Donostia erakundeekin elkarlanean, errefuxiatuak hartzeko
Donostiako Udalak iragarri du "gainerako euskal erakundeekin eta hirugarren sektorearekin" elkarlanean arituko dela "Europako errefuxiatuen krisiari aurre egiteko", eta "udal zerbitzu guztiak" jarriko omen ditu "iristen diren pertsonen eskura".
Donostiako Udalak prentsa-ohar batean azaldu duenez, Aitziber San Roman Gizarte Ekintzako eta Duñike Agirrezabalaga Lankidetzako zinegotziek "gainerako erakundeekin batera plan integral bat" aurrera eramateko konpromisoa dute.
San Romanek eta Agirrezabalagak esan dute erakunde bakoitzak ezin duela "bere kontura" ibili, eta "sortzen diren arazoei modu koordinatuan erantzun integrala" ematearen alde egin dute.
"Nazioartetik harago doan arazo baten aurrean gaude, eta Eusko Jaurlaritzak adierazi zuen moduan, euskal erakundeak ekarpenak egiteko prest gaude, elkartasuna eta prestutasuna erakutsiz", gaineratu dute.
Era berean, zinegotziek iragarri dute egoerak "txoke plan bat" eskatzen duela, "iristen diren pertsonei ahal den harrera onena egiteko".
Gipuzkoako Diputazioaren erantzuna
Ildo berean, Gipuzkoako Diputazioak ere neurriak hartuko ditu Europara “modu masiboan” iristen ari diren errefuxiatuei laguntzeko.
Foru Gobernuak konponbide “bateratua, koordinatua eta osoa” emateko asmoa iragarri du, eta dagoeneko gainerako udalekin, Eusko Jaurlaritzarekin eta hirugarren sektorearekin lanean ari dela jakinarazi du, bitarteko guztiak abian jartzeko asmoz.
Agiri baten bidez, auzi honetan erakundeen arteko elkarlana ezinbestekoa dela adierazi du, “Europa astintzen ari den tragediari erantzun globala emateko”.
Elkartasuna Gipuzkoaren “nortasun ikurra” dela esan du. “Siriako gerratik ihes egiten ari diren milaka errefuxiatuen errealitatea drama humanitarioa da eta gu laguntzeko prest gaude”, azpimarratu du.
tu du.
Zure interesekoa izan daiteke
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.