Epaitegiak Andrearen egoerari buruzko datuak eskatu ditu
Santiagoko lehen auzialdiko 6. epaitegiak Santiagoko Unibertsitate Ospitaleari (CHUS) eta Galiziako Auzitegi Medikuntzari (Imelga) 12 urteko Andrea umearen egoerari buruzko informazioa eskatu die. Andrearen gurasoak heriotza duina ari dira eskatzen berarentzat.
Aurretiaz, ospitaleko zuzendaritza bera izan zen auzitegira jo zuena, bai ezarritako plangintza terapeutikoaren gainean, bai hura aldatzeko aukeren gainean haren iritzia ezagutzeko.
Ospitaleko pediatria zerbitzuak epaitegi berak aurretiaz igorritako auto batean oinarritu ditu orain arteko bere erabakiak. Auto hori uztailean igorri zuen epaitegiak.
Gauzak horrela, epaitegiak umearen historia kliniko osatua eskatu du, ospitalean sartu zenetik izan duen eboluzioarekin; aldi berean, honako beste hauek ere galdatu ditu: asistentziaren etikako komitearen txostena (irailaren 14an azaldu zuen batzorde horrek bere jarrera) eta pediatria zerbitzuburuaren txostena "eguneratua eta zehatza. Txosten horrek pazientea egoera terminalean ez dagoela eta gehiegizko min edo sufrimendu egoerarik jasaten ez duela dioten irizpide klinikoak zehaztu beharko ditu gutxienez".
Auzitegiaren arduradunak Imelgari ere luzatzen dio bere eskaera. Izan ere, hari eskatzen dio zehatz dezala ea pazienteak duena atzera bueltarik gabeko gaixotasun sendaezina den, eta ea hilurreneko egoeran dagoen; horrez gain, baita ea pediatria zerbitzuak ezarritako prozedura apartekoa edo gehiegizkoa den pazientearen hobekuntza-aurreikuspenen aurrean eta ea prozedura horrek pazienteari neurriz kanpoko minik eragiten ote dion ere.
Epaileak adierazi duenaren arabera, behin probak aztertuta eta auzitegi-medikuaren txostena ebaluatuta, adingabearen gurasoak deituko ditu.
k deituko ditu.Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.