Elizondon atxilotutako adingabea inputatu dute sexu erasoa egotzita
16 urteko neska batek salatu du bortxatu egin zutela joan den igandean Elizondon, Nafarroa Oinez ikastolen aldeko festan. Ustezko erasotzailea, adin txikiko mutil bat, atxilotu egin zuen igandean bertan Foruzaingoak.
Neskaren familiak Euskadi Irratiari baieztatu dio neska bortxatu egin zutela. Senitartekoen arabera, "kalbarioa" bizitzen ari da neska eta "lurjota" dago.
Ustezko erasotzailea eta neska lehendik ez zirela ezagutzen esan du familiak, Nafarroa Oinez festan ezagutu omen zuten elkar. Neska txiza egitera joan zen sastraka batzuen atzera, eta une horretan ustezko erasotzailea atzetik joan zitzaion eta bortxatu egin zuen. Familiak azaldutakoaren arabera, neska bere burua defendatzen eta laguntza eskatzen saiatu zen, baina mutilak ahoa estali eta bortxatu egin zuen. Ezagun batzuek aurkitu zuten neska sasi artean.
Nafarroako Justizia Auzitegi Nagusiko iturrien arabera, Adingabeen Fiskaltzaren aurrean deklaratu du gaur goizean ustezko erasotzaileak, eta aske utzi dute. Inputatuta dago, sexu erasoa egitea egotzita.
Salaketa gogorra eta irmoa
Josu Reparaz Nafarroako Ikastolen Elkarteko (NIE) presidenteak Euskadi Irratian azaldu duenez, Nafarroa Oinezen sexu-erasoen aurkako protokoloa jarri zuten martxan.
Ustezko sexu-erasoaren berri izan bezain laster, Foruzaingoari abisua eman ziotela azpimarratu du Nafarroako ikastolen arduradunak. "Neska oso urduri joan zen osasun puntura", zehaztu du Reparazek, eta foruzainak bertaratu zirela eta biktima Iruñera eraman zutela azaldu du.
Ustezko sexu-erasoa "gogor eta irmo" gaitzetsi du ikastolen ordezkariak, eta "babesa eta elkartasuna" adierazi die biktimari eta haren senideei. Halaber, "babes plan zorrotza berehala" jarri zutela martxan nabarmendu du Reparazek, eta Foruzaingoaren "erantzun azkarra" eskertu du.
Elkarretaratzea
Baztan Ikastolak bilera egin du goizean bertako Udalarekin, egoera aztertzeko. Elkarretaratzea deitu dute, bihar arratsaldeko 19:00etarako, Elizondon. Udalak ezohiko bilkura egingo du, atxikimendua agertzeko. Erasoa gogor gaitzetsi du Ikastolak, eta bihar Foruen Plazan egingo den bilkuran parte hartzeko deia egin du.
_____________________________________________________________
Sexu erasoak salatzeko eta biktimei aholku emateko telefono zenbakia: 699 687 687.
.
Zure interesekoa izan daiteke
Gutxienez 8 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez zortzi kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.