Astean zenbat aldiz jan dezaket txarkuteria edo okela gorria?
Osasunaren Mundu Erakundeak (MOE) ohartarazi du saltxitxak, txorizoa eta, oro har, txarkuteria jateak minbizia sortzen duela, eta okela gorriak "segur aski" baita.
Ikerketak hautsak harrotu ditu nazioartean: okelen sektoreko enpresaburuak haserre agertu dira, eta Twitterreko erabiltzaileek Trending Topic bihurtu dute #FreeBacon etiketa.
Nolanahi ere, zer esan nahi du txostenak? Tankera horretako okela jateari utzi behar diogu? Hala ez bada, astean zenbat aldiz jan dezakegu?
Idoia Labayen Biologian doktore eta EHUko Nutrizio eta Bromatologia irakasleak Radio Euskadin azaldu duenez, "duela hainbat urtetatik" bazeuden mota horretako okelak askotan jatea arriskutsua dela ebatzi zuten hainbat ikerketa. Oraingoan, baina, MOEk ikerketa horiek bateratu ditu, ondorio orokor bat publikatzeko.
Hain zuzen ere, txarkuteriak minbizia sortzen duela "frogatu"tzat jo dute, eta tabakoaren parean kokatu dute. Dena dela, okela horiek kontsumitzea ez dela erretzea bezain kaltegarria argitu du Labayenek.
Okela gorriaren kasuan, "segur aski" minbizia sortzen duela esan du OMEk, baina adituak uste du "aurki" frogatutzat emango dutela.
Doktoreak okela horien kontsumoa mugatzea aholkatu du, hau da, "noizean behin" baino ez jatea. Eta, zer da "noizean behin"? "Astean behin kontsumitzea", erantzun du. "Gertatzen dena da [orain] egunero jaten dugula okela eraldatua", gogorarazi du.
Bere aldetik, Kontsumoaren, Nutrizioaren eta Elikagaien Segurtasunaren Espainiar Agentziak (Aecosan) "gehienez astean bitan" kontsumitzea gomendatu du.
Ildo berean, Alfonso Alonso Osasun ministroak lasaitasuna eskatu du, eta deita orekatu eta anitz baten baitan, okela gorria eta eraldatua kontsumitu daitekeela nabarmendu du, "seguruak" baitira.
OMEren arabera, egunean 50 gramo okel eraldatua kontsumitzeak % 18 areagotzen du koloneko minbizia izateko arriskua.
Zure interesekoa izan daiteke
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.