Txarkuteria jateak minbizia izateko arriskua areagotzen du
Saltxitxak, txorizoa, eta oro har, txarkuteria jateak minbizia garatzeko arriskua areagotzen du, Osasunaren Mundu Erakundearen baitan dagoen Minbiziaren Ikerketarako Nazioarteko Agentziak gaur kaleratu duen txosten baten arabera.
10 herrialdetako 22 adituren arabera, "nahikoa froga" haragi prozesatua kontsumitzeak kolon eta ondesteko minbizia eragiten duela ondorioztatzeko.
Frogak kontuan hartuta, kartzinogenoen lehenengo taldean sartu dute prozesatutako haragia, tabakoa, amiantoa eta diesel motorren kearekin batera. Agentziaren arabera, "gatzunetan jarritako, ondutako, hartzitutako, ketutako edo bestelako prozesuen bidez tratatutako okela da prozesatutakoa".
"Gizabanakoarentzat, prozesatutako okel mota hau jatearen ondorioz kolon eta ondesteko minbizia garatzeko arriskua txikia da oraindik, baina arriskua kontsumitutako haragi kopuruaren araberakoa da. Beraz, ikusita haragi hau jaten duten lagunen kopurua hazten doanez, eragina aipatzeko modukoa da", azaldu du Kurt Straif Agentziako Monografia Programen buruak.
Okela gorria ere, arriskutsua
Okela gorriari dagokionez, 2A taldean sartu dute adituek, hau da, balizko kartzinogenoen artean (minbizia eragiten duten "frogak mugatuak" dira). Kolon eta ondesteko minbizia, pankrea eta prostata minbizia eragin dezakeela ondorioztatu du Osasunaren Mundu Erakundeak, baina maila txikiagoan. Behi, idi, txerri, arkume, zaldi eta ahuntzaren haragia daude okela gorriaren artean.
50 gramo egunean
Agentziaren arabera, egunean 50 gramo haragi prozesatu jateak % 18 handitzen du kolon eta ondesteko minbizia izateko arriskua.
Dena dela, ohartarazi duenez, arrisku maila ez da kategoria berean duten beste substantziek eragindakoa bezain handia. Alegia, txarkuteria kontsumitzea ez da erretzea bezain arriskutsua.
'Global Burden of Disease Project' izeneko txostenean jasotako estimazioen arabera, urtero 34.000 heriotzaren eragile izango litzateke haragi mota hau. Tabakoak milioi bat lagun hiltzen ditu urtero, gehiegizko alkohola kontsumoak, 600.000, eta kutsadurak, 200.000.
Okel gorriari dagokionez, urtean 50.000 lagunen heriotzaren erantzule izan daitekeela iradoki dute adituek.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.