Epaimahaiak errudun jo ditu Asuntaren gurasoak, alaba hiltzegatik
Herri epaimahaiak errudun jo ditu aho batez Asuntaren gurasoak, Rosario Porto abokatua eta eta Alfonso Basterra kazetaria, bere alaba hiltzeagatik. Hura haurtxo bat zela adoptatu zuten.
Horixe izan da 12 urte baino ez zituen haurraren heriotzaren gainean hartutako epaia. Haren hilotza 2013ko irailaren 22an aurkitu zuten Teoko (Coruña) baso-bide batean.
Epaimahaia osatzen duten bost gizonek eta emakumeek gaur eguerdian eman dute erabakiaren berri, astelehenean eztabaidatzen hasi eta 21 galdera erantzun ostean. haien ustez,biktimak ez zuen izan bere burua defendatzeko inongo aukerarik, eta hala adierazi dute Santiagoko epaitegietan irakurritako ebazpenean.
Horrez gain, ados azaldu dira frogatu gabeko egintzarik ez dela aurkitu esatean; halaber, indultuaren edota kartzela-zigorra murriztearen aurka daudela adierazi dute.
Defentsaren arduradunek, Jose Luis Gutierrez Aranguren eta Belen Hospido abokatuek, bere bezeroak absolbitzea eskatu zuten, uste baitzuten ez zegoela kargu-frogarik, eta egindako izapidetzek hasiera batetik bilatu zutela errudun gisa ager zitezela.
Portoren abokatuaren helegitea
Rosario Portoren abokatu Jose Luis Gutierrez Arangurenek jakitera eman duenez, azken instantziara arte errekurrituko dute, Portok "gogor jarraitzen baitu esaten errugabea dela".
Arangurenek aitortu du Porto "shock egoeran" dagoela, eta biak "harrituta" daudela, horren aurkako "frogarik ez zegoelako".
Halaber, "porrot" horren erantzulea bera dela onartu du.
Bere aldetik, Belen Hospido Alfonso Basterraren abokatuak azpikeriaren inguruabar astungarria baztertu du. Bere aburuz, ezin daiteke erailketaz hitz egin, asko jota homizidio bat geratzen da argitzeke, eta horren zigorra hamabi urte eta hamabi urte eta erdi bitartekoa litzateke.
Herri akusazioa egikaritu duen Clara Campoamor erakundeak 20 urteko kartzela-zigorra eskatu du; aldiz, Fiskaltzak 18 urtekoa. Fiskaltzak, gainera, Alfonso Basterra eta Rosario Porto Teixeiroko espetxean preso jarrai dezatela eskatu du, "ihes egiteko arrisku gehiago dagoelako".
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.