Asunta pederasta batek hil zuela iradoki du Rosario Portoren defentsak
Duela bi urte Asunta Basterra alaba hil zutela egotzita, 18-20 urte arteko kartzela zigorra eskatu dute Fiskaltzak eta herri akusazioak Rosario Porto eta Alfonso Basterra gurasoentzat, Santiagon atzo hasi zen epaiketaren bigarren egunean. Defentsak, berriz, absoluzioa galdegin du.
Jorge Fernandez de Aranguiz Fiskaltzaren ordezkariaren ustez, "maltzurkeriaz" egindako eta ahaidetasun astungarria duen hilketa delitua egotzi die biei, alaba hiltzeko "plana adostu" zutela iritzita. Portorentzat zein Basterrarentzat 18 urteko kartzela zigorra galdegin du, horrenbestez.
Herri akusazioak, Clara Campoamor elkarteak, antzeko kalifikazio idazkia aurkeztu du, baina bientzat Legeak jasotako zigor handiena eskatu du: 20 urteko espetxe zigorra.
Fiskaltzak bi froga berri eskatu ditu. Batetik, gurasoak "biktimaren hilotza errausten uzteko epaitegira baimena joan zirenean" hartu zituen funtzionarioaren testigantza entzun ahalko da epaiketan. Horrez gain, hilketa ikertzeko instrukzio epearen lehen astean argitaratutako Galiziako bi egunkariren aleak ere froga gisa aurkezteko eskaera egin du. Egunkariotan, segurtasun kamerek hartutako argazkiak ageri ziren. Asunta Portoren autoan ikusi zitekeen, familiak Teon zuen etxerantz. "Uste dut Rosario Portok bere deklarazioa aldatu zuela kamerek harrapatu zutela jakitean", azaldu du fiskalak.
Rosario Porto eta Alfonso Basterra epaitegietara eramn dituen furgoia. Argazkia: Ainhoa Furundarena | ETB
Saioan, Rosario Portoren abokatuak hedabideen albisteak biltzea eskatu du. Izan ere, Ciudad Linealeko pederastaren modus operandi-a Asuntaren heriotzarekin bateragarria dela iradoki du. Halaber, beste bi lekuko eskatu ditu. Horietako batek "berretsi" egingo du Asuntaren amak alabarentzako kontu korronte bat ireki zuela, eta egun "ukitu gabe" dagoela.
"Azkenean, ez da froga bakar bat egongo Rosario errudun dela sinesteko", adierazi du defentsak.
Bestalde, Alfonso Basterraren abokatuak auzian ballet emanaldi baten argazkiak gehitzea eskatu du. Dantzaldi horretan, Asuntaren hainbat lagun ikus daitezke. Horrela, auziaren instrukzioan ikertzaileek aurkitutako hainbat argazki arruntak direla frogatu nahi dute.
Halaber, herri epaimahaia gorpua topatu zuten lekura bertaratzea ere eskatu du, krimena nola gertatu zen zehaztu dezaten.
Bestalde, Fiskaltzak eta herri akusazioak (Clara Campoamor elkartea) deklaratu dute gurasoen jokaera ez zela egokia izan auziaren instrukzioan.
"Ez zuten [ikerlariekin] kolaboratu; are gehiago, oztopoa izan ziren", esan du elkartearen abokatuak.
Fiskalak umea hiltzeko plan "bateratua" diseinatu izana egotzi die gurasoei, eta "ikerketarentzat funtsezkoak ziren hainbat gauza" ezkutatu zituztela gaineratu du.
Zure interesekoa izan daiteke
Ezkabarteko sutea itzaltzeko lanek aurrera jarraitzen dute, euriak zertxobait lagunduta
Hirugarren gauez jarraian, lurreko brigadako ehun kide lanean izango dira. Zeregin nagusia sutearen perimetroa zaintzea eta garrak berriro ez zabaltzea izango da. Haizea eta iristeko zailak diren guneetako fokuak sutea kontrolatzeko lanak zailtzen ari dira, Nafarroako Gobernuko larrialdi zerbitzuek esan dutenez.
Hiru gazte ikertzen ari dira Gasteizen, gizon bat Espainiako selekzioko kamiseta eranztera behartu nahi zutelako
Inputatuek larunbat goizaldean eraso zioten biktimari, Aranbizkarra auzoko jai-esparruan.
Marmokak daudela ohartarazi dute Bizkaiko Arena, Gorrondatxe, Barinatxe, Arriatera-Atxabiribil eta Muriola hondartzetan
Arriatera-Atxabiribil eta Muriola hondartzetan debekatuta dago bainatzea; gainerakoetan, berriz, bandera horia dago. Uraren batez besteko tenperatura 21 gradukoa da.
Ekintzaz betetako "Peñen Eguna", Iruñean
Iruñeko peñek euren eguna ospatu dute gaur, jardueraz beteriko kartelarekin: kalderete lehiaketa, pankarten aurkezpena... Emozioz beteriko eguna izan da iruindarrentzat.
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Santurtziko kale nagusiak zeharkatu dituzte asteazkenean hil zen Anderrentzat justizia eskatzeko. Gertatutakoa argitzeko, ardurak zehazteko eta zigorrak jartzeko eskatu dute, eta bermeak, horrelakorik berriro gerta ez dadin.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.