San Tomas
Gorde
Kendu nire zerrendatik

Donostia baserritarren plaza bilakatuko da abenduaren 21ean

Ohiturari jarraituz, txistorra izango da produktu nagusia, baina beste elikagai batzuk ere izango dira eskuragarri; gazta, eztia, sagardoa eta gozoak, esaterako.
San Tomas azoka Donostian, 2014ean. Argazkia: EFE

Datorren abenduaren 21ean San Tomas azoka egingo dute Donostian. Hiri guztian barrena dozenaka postu jarriko dituzte, eta gure baserritarren eta artisauek egindako produktuak izango dira eskuragarri; tartean, gazta, eztia, sagardoa eta gozoak. Alabaina, ohiturari jarraituz, txistorra izango da protagonista nagusia.

San Tomas eguna XIX. mende erdialdean hasi ziren ospatzen Donostian. Lurren jabe ez ziren baserritarrak Gipuzkoako hiriburura joaten ziren urtean behin errenta ordaintzera, eta, bertan zirela baliatuta, bere produktuak eskaintzen zizkieten donostiarrei.

Denborak aurrera egin ahala, Donostian azoka bat antolatzeko beharrizana ikusi zuten, eta San Tomas eguna Konstituzio plazan egiten dute ordutik.

Albiste gehiago gizartea

18:00 - 20:00
ZUZENEAN
Duela  min.

Kamioi batek su hartu du AP68 errepidean, Zuian

Autoak zeramatzan kamioi batek su hartu du AP68an, Zuian, Zaragozarako noranzkoan.  Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.

18:00 - 20:00
ZUZENEAN
Duela  min.

Sexu-esplotazioko sare batean zeuden 12 emakume askatu dituzte Euskadin

Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.  

Gehiago kargatu